​Перамогу на Сусветных ваенных гульнях атрымала наша жаночая зборная ў камандным турніры па класічным луку

У вырашальным матчы Карына Дзямінская, Карына Казлоўская і Аляксандра Куратнік выйгралі ў саперніц з Расіі — 6:2.

Трэцяе месца занялі спартсменкі КНДР, якія перамаглі ў матчы за «бронзу» ўкраінак — 5:3. Нагадаем, гэта другі залаты медаль беларускіх спартсменаў на турніры, раней найлепшым стаў дзюдаіст Даніэль Мукетэ. Акрамя залатых узнагарод, «серабро» і «бронзу» на Сусветных ваенных гульнях у Кітаі заваявалі барцы Аляксандр Гуштын і Ксенія Станкевіч адпаведна. Сусветныя ваенныя гульні будуць працягвацца да 27 кастрычніка.

Дар'я Лабажэвіч

Прэв'ю: armiya.az