Больш за 20% кандыдатаў у дэпутаты адкрылі рахункі для збору ахвяраванняў

Больш за 20 % кандыдатаў у дэпутаты ўжо адкрылі спецыяльныя рахункі для збору добраахвотных ахвяраванняў у выбарчыя фонды. Пра гэта ў відэаінтэрв'ю на сайце Нацыянальнага прэс-цэнтра паведаміла старшыня ЦВК Лідзія Ярмошына.

Паводле інфармацыі БелТА, кіраўнік Цэнтрвыбаркама праінфармавала, што паўтары сотні чалавек адкрылі рахункі для стварэння асабістых фінансавых фондаў, за кошт якіх яны будуць купляць эфірны час, вырабляць друкаваную прадукцыю. «Гэта ўжо больш за 20 % ад усіх кандыдатаў», — сказала яна, удакладніўшы, што лічба змяняецца літаральна кожную гадзіну.

Вялікая колькасць кандыдатаў (на першым месцы Мінск) звярнулася з заяўкамі аб тым, што яны будуць праводзіць адкрытыя агітацыйныя мерапрыемствы. Частка прэтэндэнтаў на дэпутацкія мандаты звярнулася з заявамі аб выдзяленні закрытых памяшканняў для сустрэч з выбаршчыкамі. Тут лідзіруе Мінская вобласць.

Лідзія Ярмошына мяркуе, што першыя інфармацыйныя спрэчкі паміж кандыдатамі ў дэпутаты не за гарамі, паколькі некаторыя ўспрымаюць гэтую кампанію як барацьбу з абвінавачваннямі. «Натуральна, гэта можа выклікаць папрокі ў тым, што яны парушаюць правілы, якія прадугледжаны артыкул 47 Выбарчага кодэкса, дзе ўтрымліваюцца абмежаванні, што не павінна ўтрымліваць перадвыбарная агітацыя і прапаганда. Таму тут, я думаю, таксама хутка ўсё забурліць», — адзначыла яна.

Дарэчы, прадугледжаныя ў Выбарчым кодэксе абмежаванні не датычацца сацыяльных сетак. «Але калі кандыдат у дэпутаты будзе і ў сацсетках дапускаць у сваіх выступленнях паклёп, абразы, распальваць сацыяльную варожасць, заклікаць да гвалтоўнага звяржэння канстытуцыйнага ладу — гэта падстава для адмены рэгістрацыі ў якасці кандыдата ў дэпутаты», — растлумачыла старшыня ЦВК.

Нагадаем, што выбары ў Палату прадстаўнікоў прызначаныя на 17 лістапада.

Прэв'ю: bragin.by