Вы тут

Тэмпературны фон будзе на 1—3 градусы ніжэй за кліматычную норму


Апошнія дні кастрычніка прынясуць нам значнае пахаладанне, дзённыя тэмпературы не будуць перавышаць плюс 10 градусаў, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Вось так, адным махам, цяпло пакідае тэрыторыю нашай краіны. На гэтым тыдні пад уплывам малаактыўных атмасферных франтоў і паветраных мас, якія паступаюць з паўночных шырот, усталюецца халоднае надвор'е, калі месцамі пройдуць дажджы і мокры снег. У сераду, 30 кастрычніка, працягне паступаць халоднае паветра з поўначы Еўропы, і пахаладанне ўзмоцніцца. Тэмпература паветра ў начныя гадзіны складзе ад нуля да мінус 5 градусаў, удзень будзе ад нуля да плюс 5 градусаў, па паўднёвым захадзе краіны — да 7 цяпла. Уначы месцамі па краіне пройдуць кароткачасовыя ападкі, у асноўным мокры снег, у асобных раёнах чакаюцца туман, слабы галалёд. Удзень будзе пераважна без ападкаў.

Чакаюцца кароткачасовыя ападкі ў выглядзе мокрага снегу ды дажджу і ў чацвер. Мокры снег будзе ісці месцамі пераважна па паўночнай палове краіны. Уначы і раніцай у асобных раёнах туман, слабы галалёд. Тэмпература паветра ўначы — ад мінус 4 градусаў да 1 цяпла, але месцамі паветра астудзіцца да 6 градусаў марозу. Удзень сонца будзе прыграваць і прагназуецца ад 1 да 7 цяпла.

Паводле папярэдніх прагнозаў айчынных сіноптыкаў, у пятніцу, у першы дзень лістапада, месцамі, пераважна па паўночна-ўсходняй палове краіны, таксама пройдуць кароткачасовыя ападкі ў выглядзе мокрага снегу і дажджу. Уначы і раніцай у асобных раёнах чакаюцца слабыя туман і галалёд. Тэмпература паветра ўначы будзе ад мінус 3 градусаў да 2 цяпла, пры праясненнях яна панізіцца да мінус 6 градусаў. Удзень чакаецца ад мінус 1 па паўночным усходзе да плюс 7 градусаў па паўднёвым захадзе краіны.

Цяпло скончылася.

Сяргей КУРКАЧ

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».