Вы тут

Істотнае пахаладанне чакаецца ў Беларусі толькі бліжэй да пачатку снежня


У гэтыя суботу і нядзелю на тэрыторыі краіны будзе назірацца выключна дажджлівае надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. Дзесьці будуць кароткачасовыя, месцамі моцныя ліўні, але ў асноўным неба зацягне шэрымі хмарамі, якія будуць павольна паліваць нас восеньскім цёплым дажджом.


Фота Ліны Малінінай.

У суботу ўмовы надвор'я ў краіне будуць фарміравацца пад уздзеяннем атмасферных франтоў, якія рухаюцца да нас з тэрыторыі Украіны. Чакаецца воблачнае з праясненнямі надвор'е. На большай частцы тэрыторыі нашай краіны кароткачасовыя дажджы і навальніцы. Вецер паўднёва-ўсходні ўмераны, удзень парывісты. Максімальная тэмпература ўдзень ад плюс 6 да плюс 12 градусаў, у паўднёвых раёнах — 13—15 цяпла.

Будзе адносна цёпла і ў нядзелю. Амаль паўсюдна пройдуць кароткачасовыя дажджы. Уначы і раніцай чакаецца туман. У цёмны час сутак слупок тэрмометра апусціцца да 4 — 11 градусаў з плюсам, удзень паднімецца да 9 — 15 градусаў цяпла. У панядзелак удзень стане на некалькі градусаў халадней. Але ў аўторак да нас зноў заветае вільготнае паветра з Атлантыкі і пацяплее.

Паводле звестак сэрвісу папярэдніх прагнозаў, істотнае пахаладанне чакаецца ў Беларусі толькі бліжэй да пачатку снежня. Толькі на тыдні з 25 лістапада да 1 снежня сярэднясутачная тэмпература паветра ў Мінску наблізіцца да нуля.

Сяргей КУРКАЧ

Загаловак у газеце: Крыху пахаладае, і зноў цяпло

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.