12 лістапада ў 19.00 у Палацы культуры Мінскага трактарнага завода пачнецца мерапрыемства дабрачыннага марафону "Усе фарбы жыцця для цябе” з удзелам пастаянных валанцёраў руху БРСМ "Добрае Сэрца" - папулярных артыстаў беларускай эстрады (вул. Даўгабродская, 24).
Дабрачынны канцэрт пройдзе ў падтрымку Івана Барысюка. Хлопчык мае патрэбу ў пастаянных рэабілітацыйных працэдурах. Дабрачынны вечар - яшчэ адзін крок да акрыяння Вані.
На сцэну выйдуць Аляксандр Саладуха, Аляксей Грос, Вольга Сацюк, Герман Цітоў, AlenHit, Арцём Міхаленка, Хелена Мерааі, Даніэль Ястрэмскі, Ягор Кан, групы “PRАвакацыя”, “LasVagas”, шоу-тэатр Таццяны Пановай “Хвілінка” і Кацярына Шумская.
Усе атрыманыя грашовыя сродкі будуць перададзены на лячэнне і рэабілітацыю Івана Барысюка.
Арганізатарамі дабрачыннага канцэрту “Усе фарбы жыцця для цябе” выступаюць Мінскі гарадскі камітэт ГА “БРСМ” сумесна з упраўленнем культуры Мінгарвыканкама.
Сяргей РАСОЛЬКА
Прэв'ю: lifehacker.ru
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
