Вы тут

Як пазбавіцца ад мышэй


Наўрад ці знойдзецца чалавек, які ні разу ў жыцці не сутыкаўся з «мышынай» праблемай. Пастка — ужо мінулае стагоддзе, і эфектыўным гэты сродак можна назваць, калі гаворка ідзе хіба што пра адну-дзвюх мышак. А што рабіць, калі ў доме завёўся цэлы вывадак нежаданых «суседзяў»?


Ультрагукавы адпуджвальнік мышэй і пацукоў

Мабыць, самы гуманны сродак ад пацукоў і мышэй — спецыяльны прыбор, які выпраменьвае ўльтрагукавыя хвалі, што дзейнічаюць на нервы грызунам.

Электронны адпуджвальнік мышэй і пацукоў — гэта вельмі зручна. Вам не трэба шукаць па закутках дома нежывыя целы грызуноў або рэгулярна правяраць, ці не папаўся хто ў пастку. Вы проста ўключаеце прыбор у сетку і забываецеся пра яго (і пра мышэй таксама).

Ультрагукавыя хвалі распаўсюджваюцца па памяшканні, адбіваючыся ад цвёрдых паверхняў. Мяккія матэрыялы паглынаюць хвалі, таму для большай эфектыўнасці змясціце прыбор у максімальна пустым пакоі.

Для людзей і хатніх жывёл ультрагукавыя адпуджвальнікі бяспечныя, але вядомыя выпадкі, калі пры выкарыстанні падобных прыбораў ультрагук дзейнічаў на сабак.

Клей для лоўлі мышэй

Калі вы не заўзяты абаронца флоры і фаўны, звярніце ўвагу на гэты сродак. Каб зрабіць клеевую пастку, купіце адмысловы клей ад мышэй, уважліва прачытайце інструкцыю, нанясіце прэпарат на пэўную паверхню (напрыклад, накрыўку ад кардоннай скрынкі) і пастаўце прыладу ў «месцы навалы мышэй». Праз некаторы час вы выявіце бездапаможнага звярка, намёртва прыліплага да паверхні, на якую быў нанесены клей.

Майце на ўвазе, што калі ў вас ёсць хатнія гадаванцы, яны таксама рызыкуюць трапіць у пастку. Таму паклапаціцеся пра тое, каб абмежаваць іх доступ у памяшканне, дзе яна ўсталяваная.

Атрута для пацукоў і мышэй

Існуе мноства розных ядахімікатаў, з дапамогай якіх можна хутка пазбавіцца ад мышэй на гарышчы і ў доме. Іх выпускаюць у выглядзе спрэяў, геляў, парашкоў, вадкасцяў і гатовых спрэсаваных прынад. У залежнасці ад таго, якім чынам прэпарат уздзейнічае на арганізм грызуна, атруты дзеляцца на тыя, якія пашкоджваюць:

  • органы стрававання;
  • крывяносную сістэму;
  • органы дыхання;
  • касцявыя тканкі (прэпараты на аснове белага і жоўтага фосфару);
  • нервовую сістэму (мыш'як).

Таксама ёсць сродкі, што дазваляюць пазбавіцца ад паху мышэй. Іх дзеянне накіравана на муміфікацыю трупаў грызуноў і прадухіленне раскладання (напрыклад, прынады Інта-Вір). Выконвайце меры засцярогі і ўважліва чытайце інструкцыю па ўжыванні ядахімікатаў.

Народныя сродкі

Народныя сродкі ад мышэй у доме добрыя тым, што не таксічныя. Мышы-палёўкі на дачы і звычайныя пацукі ў гарадскіх кватэрах не пераносяць адных і тых жа рэчаў. Якога ж паху баяцца мышы?

На першым месцы — перачная мята. Намачыце алеем гэтай расліны кавалачкі ваты і раскладзіце па кутах хаты. Мышам не спадабаецца гэты водар, і яны пойдуць шукаць шчасця ў іншае месца.

Яшчэ адзін пах, які адпужвае мышэй, — цыбуля. Разрэжце цыбуліну і пакладзіце ў месцы, дзе жывуць мышы. Не забывайце мяняць цыбуліну, каб пах заставаўся свежым.

Нельга таксама не згадаць іншыя расліны, якія адпуджваюць грызуноў. У месцах захоўвання ўраджаю раскладзіце лісце і сцеблы піжмы, палыну, багуна балотнага, рамонкі, бузіны.

Калі працягваць тэму «чаго баяцца мышы», то скажам так: мышы баяцца парадку. Так-так, навядзіце парадак у доме: пазбаўцеся ад старога хламу, заладзьце шчыліны ў сценах і падлозе, праверце, ці правільна захоўваюцца прадукты на кухні, ці герметычна запакаваныя крупы.

Ірына ТАМКОВІЧ

Выбар рэдакцыі

Грамадства

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

Наколькі беларуская сістэма адукацыі канкурэнтаздольная і ці адпавядае яна сусветным трэндам?

Грамадства

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Дзеці, якія вырастаюць у сем'ях, дзе няма таты або ён ёсць, але амаль не ўдзельнічае ў жыцці малога, па ўсіх паказчыках прайграюць і ў дзяцінстве, і ў дарослым жыцці.

Грамадства

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

І праз дзесяць гадоў пасля знаёмства яны любяць шпацыраваць па горадзе, узяўшыся за рукі.

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.