14-15 лістапада ў беларускай сталіцы адбудзецца VIII міжнародная канферэнцыя Еўразійскай Асацыяцыі ацэнкі якасці адукацыі, якая арганізуецца сумесна з беларускім Міністэрствам адукацыі і Нацыянальным інстытутам адукацыі Міністэрства адукацыі Беларусі.
У канферэнцыі возьмуць удзел прадстаўнікі з краін СНД і далёкага замежжа, а таксама супрацоўнікі вядучых міжнародных арганізацый, інстытутаў развіцця адукацыі, агенцтваў па ацэнцы якасці адукацыі і іншых адукацыйных арганізацый.
У цэнтры ўвагі будуць унутрышкольная і ўнутрыкласная ацэнка якасці адукацыі, беларускі вопыт актыўнай ацэнкі і расійскі вопыт крытэрыяльнага ацэньвання, перавагі і хібы метаду тэсціраввання. У рамках круглых сталоў і секцый будзе разглядацца ацэнка навыкаў XXI стагоддзя, а таксама якасці адукацыі ў кантэксце падрыхтоўкі педагагічных кадраў.
Практычнай задачай канферэнцыі стане выпрацоўка рэкамендацый па развіцці сістэм ацэнкі якасці адукацыі на розных узроўнях. Найбольш значныя даклады будуць уключаны ў чарговы выпуск часопіса “Якасць адукацыі ў Еўразіі”.
Надзея НІКАЛАЕВА
Прэв'ю: mfc32.ru
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
