Вы тут

Вясковы жыхар бясстрашна ўвайшоў у палаючы дом і вынес адтуль дзіця


Пажар у адной з кватэр трохпавярховага дома па вуліцы Савецкай вёскі Вулька Аброўская Івацэвіцкага раёна здарыўся раніцай. У гэты час гаспадары дома паехалі на работу, а чатырохгадовага сына пакінулі ў пакоі, калі хлопчык яшчэ спаў.


Як пазней патлумачыла маці хлопчыка Вольга Кулініч, яна спадзявалася, што хутка ад бабулі прыйдзе яе 10-гадовая дачка і прыгледзіць за малым. Але дзяўчынка затрымалася, а маленькі Ягор знайшоў запалкі, стаў гуляць з імі, пакуль не ўчыніў пажар. Калі з вокнаў і дзвярэй паваліў дым, суседзі найперш патэлефанавалі на нумар «101», а найбліжэйшы сусед Дзмітрый Крыцкі адразу кінуўся да дзвярэй, пастукаў, стаў пытацца, ці ёсць хто ў хаце. У адказ пачуў слабы дзіцячы голас — малое клікала маму. На пошукі лома ці сякеры часу не было, мужчына рашуча выбіў дзверы нагамі, але паток гарачага паветра і дыму літаральна валіў з ног. Тады адважны сусед прыкрыў нос уласным адзеннем і, сагнуўшыся, пайшоў у кватэру, ахопленую пажарам. На падлозе аднаго з пакояў ён знайшоў хлопчыка, вынес яго ў калідор, а затым на вуліцу. Там ужо былі медыкі з мясцовага ФАПа, агледзелі дзіця. Шпіталізацыя яму не спатрэбілася.

Як паведаміў афіцыйны прадстаўнік Брэсцкага абласнога ўпраўлення МНС Сяргей МАШНОЎ, ратавальнікі прыбылі літаральна праз тры хвіліны пасля выкліку. Давялося эвакуіраваць на некаторы час жыльцоў гэтага дома. Пажар хутка патушылі, але агонь знішчыў абстаноўку аднаго з пакояў кватэры. «Мы вельмі ўдзячныя відавочцу пажару, грамадзяніну Крыцкаму, які праявіў смеласць і рашучасць», — дадаў Сяргей Машноў.

Сам жа Дзмітрый Крыцкі сябе героем не лічыць.

— На маім месцы гэтак зрабіў бы любы мужчына, — сказаў 34-гадовы вясковец. — У мяне таксама дзіця расце. А тады ўсё вырашалі долі секунды, марудзіць было нельга. Я рады, што ў Ягоркі ўсё добра, ён адчувае сябе нармальна.

У размове з карэспандэнтам газеты старшыня Жытлінскага сельскага Савета Пётр СВІБОВІЧ сказаў:

— Няшчасце здарылася ў звычайнай сельскай сям'і. Муж з жонкай працуюць у сельгаспрадпрыемстве, гадуюць дваіх дзяцей. Бацькі малога Ягора добра ўсвядомілі, што малое нельга пакідаць без нагляду нават на некалькі хвілін. Гэты выпадак мы будзем згадваць падчас прафілактычнай работы з сем'ямі, якія выхоўваюць дзяцей. Агонь, як бачым, не даруе бацькоўскіх агрэхаў.

Святлана ЯСКЕВІЧ

Прэв'ю: superomsk.ru

Загаловак у газеце: Вырашалі долі секунды

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.