Старшыня Віцебскага абласнога выканаўчага камітэта Мікалай Шарснёў прагаласаваў ў Доме культуры Віцебскай дзяржаўнай акадэміі ветэрынарнай медыцыны.
Усяго на гэтым выбарчым участку могуць прагаласаваць 1270 грамадзян. Кіраўнік вобласці прыйшоў а дзявятай гадзіне раніцы. Да яго прагаласавалі толькі тры чалавекі.
Дарэчы, Мікалай Шарснёў калісьці вучыўся ў гэтай вышэйшай навучальнай установе. І неаднаразова казаў журналістам, што ганарыцца тым, што яна высока каціравалася ў савецкі час далёка па-за межамі краіны. І сёння лічыцца адной з найлепшых у аграрным кірунку адукацыі.
Старшыня аблвыканкама павіншаваў з першымі ў жыцці выбарамі двух хлопцаў-першакурснікаў і ўручыў ім памятныя падарункі. Ён пацікавіўся ўражаннямі ў назіральнікаў за выбарамі, якія прыехалі з Расіі і Казахстана. І пачуў, што настрой у іх добры, а ўсё, што тычыцца арганізацыі выбараў ў Беларусі, на іх думку, на вельмі высокім узроўні.
Мікалай Шарснёў падкрэсліў, што народным выбраннікам трэба вельмі актыўна працаваць у сваіх акругах. Яны павінны ведаць, чым жывуць выбаршчыкі, чаму радуюцца, якія праблемы трэба вырашаць, якія пытанні найбольш хвалююць.
Па добрай традыцыі ў асноўны дзень галасавання працаваў выязны буфет.
Аляксандр ПУКШАНСКІ
Фота БЕЛТА
Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.
Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.
Дом №76 па вул. Валгаградскай у Мінску быў прызнаны аварыйным яшчэ ў нулявых.
На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.
