Вы тут

Жыхар Маладзечна двойчы за два апошнія гады ўганяў адзін і той жа “Опель”


Супрацоўнікі крымінальнага вышуку Маладзечанскага РАУС высветлілі асобу падазраванага ў крадзяжы аўтамабіля Opel Ascona. Ім аказаўся беспрацоўны 19-гадовы жыхар Маладзечна. Паводле аператыўнай інфармацыі, дадзеным транспартным сродкам ён незаконна скарыстаўся ўжо ў другі раз. У 2017 годзе малады чалавек быў судзімы за крадзеж гэтага ж аўтамабіля.


Каля 6 гадзін раніцы на лінію “102” 59-гадовы гараджанін паведаміў аб крадзяжы легкавіка. Прыбыў праваахоўнікам мужчына растлумачыў, што машыну на ноч прыпаркаваў у двары дома па вуліцы Валынца. На раніцу гаспадар аўто не знайшоў.

Як стала вядома, “Опель” ужо быў ва ўгоне. Падазрэнні сышчыкаў пацвердзіліся - за руль чужой машыны зноў сеў маладзечанец, які раней трапляў у поле зроку праваахоўных органаў. Падазраванага аператыўнікі затрымалі і даставілі для разбору ў райаддзел міліцыі.

Аўтамабіль быў знойдзены ў вёсцы Лебедзева Маладзечанскага раёна, паведамілі ў УУС Мінскага аблвыканкама. Па словах затрыманага, ён хацеў разабраць машыну і прадаць потым яе на запчасткі. У населеным пункце пры развароце легкавік з'ехаў у кювет і захрас там. Тады хлопец кінуў машыну і збег.

Патрапіць у аўтамабіль зламысніку не склала ніякай працы, да таго ж у другі раз. А каб завесці старэнькую машыну, дастаткова было пару нескладаных маніпуляцый з электраправодкай. Транспартны сродак канфіскаваны і вернуты законнаму ўладальніку.

Сяргей РАСОЛЬКА

Прэв'ю: news.dtkt.ua

 

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.