БЧ адкрыла продаж квіткоў на цягнікі № 136/137 па маршруце Прага – Варшава – Брэст

Яны прызначаны ў штодзённы зварот з 15 снежня ва ўзаемадзеянні БЧ з Польскімі і Чэшскай чыгункамі, паведамілі ў прэс-службе магістралі.

З Прагі цягнік № 136 Прага – Варшава – Брэст будзе адпраўляцца ў 10.23 пад № 115 і прыбываць на станцыю Брэст-Цэнтральны ў 0.37. З Брэста цягнік № 137 будзе адпраўляцца ў 7.11 і прыбываць на станцыю Прага Галоўная ў 17.39 пад № 114.

Цягнік Прага – Варшава – Брэст будзе ісці праз станцыі Острава Галоўная (Чэхія), Цярэспаль, Варшава Цэнтральная, Катавіцэ (Польшча).

Пагранічны і мытны кантроль для пасажыраў цягнікоў № 136/137 Прага – Варшава – Брэст прадугледжаны праз мытную залу вакзала станцыі Брэст-Цэнтральны.

• Для пасажыраў цягнікоў № 136/137 Прага – Варшава – Брэст прадугледжана магчымасць перасадкі па станцыі Брэст-Цэнтральны на цягнік № 96 Брэст – Масква і з цягніка № 27 Масква – Брэст. У саставе цягнікоў № 136/137 Прага – Варшава – Брэст таксама прадугледжана штодзённае курсіраванне бесперасадачных вагонаў Масква – Прага.
• Нагадваем таксама, што з 15 снежня штодня ў паведамленні Варшава – Брэст будзе курсіраваць новы цягнік № 126/125, які ўзгоднены з цягніком № 726/725 Брэст – Мінск.
• Са станцыі Варшава-Цэнтральная цягнік № 126 Варшава – Брэст будзе адпраўляцца ў 13.10 і прыбываць на станцыю Брэст-Цэнтральны ў 19.10 (па мясцовым часе). Цягнік № 726 Брэст – Мінск будзе адпраўляцца са станцыі Брэст-Цэнтральны ў 20.00 і прыбываць на станцыю Мінск-Пасажырскі ў 23.25.
• З Мінска цягнік № 725 Мінск – Брэст будзе адпраўляцца ў 15.59 і прыбываць на станцыю Брэст-Цэнтральны ў 19.01, адпраўляцца ад станцыі Брэст-Цэнтральны цягнік № 125 Брэст – Варшава будзе ў 19.56 і прыбываць на станцыю Варшава-Цэнтральная ў 22.15 (па мясцовым часе ).

Правядзенне памежнага і мытнага кантролю для пасажыраў цягнікоў № 125/126 Варшава – Брэст прадугледжваецца непасрэдна ў саставе цягнікоў у парку Буг.

Цягнікі № 126/125 і № 136/137 будуць абслугоўвацца вагонамі лакаматыўнай цягі.

Кошт праезду ў зносінах Мінск – Варшава (з перасадкай у Брэсце) складае 43 рублі 81 капейка, у паведамленні Прага – Варшава – Брэст – 135 рублёў 55 капеек (сума можа змяняцца ў залежнасці ад курсу еўра).

Больш падрабязную інфармацыю аб наяўнасці праязных дакументаў, раскладзе руху цягнікоў і кошту праезду па маршрутах Мінск – Варшава (з перасадкай у Брэсце) і Прага – Варшава – Брэст можна ўдакладніць на афіцыйным Інтэрнэт-сайце Беларускай чыгункі і ў Кантакт-цэнтры па тэлефоне 105.

Сяргей РАСОЛЬКА