Вы тут

Адкрытая канферэнцыя па інтэрнэт-бяспецы для дзяўчат пройдзе ў Мінску 23 лістапада


Як абараніць сваю дачку, не ставячы пад пагрозу яе давер? Як своечасова вызначыць, што дзіця стала ахвярай кібербулінгу або сексуальных дамаганняў ў інтэрнэце? Як правільна наладзіць гаджэты падлетка, каб засцерагчы яго ад небяспечнага кантэнту? Якія метады выкарыстоўваюць “маніпулятары ў сеціве”,  каб дамагчыся сваіх мэтаў? Пра ўсё гэта  пойдзе размова на пятай гарадской канферэнцыі #GirlSafety, якую прымае ў сваіх сценах сталічная гімназія № 50.


Даследаванні паказваюць, што найбольш уразлівая катэгорыя карыстальнікаў інтэрнэту —  дзяўчынкі-падлеткі. Яны значна больш адчувальныя да крытыкі, чым хлопчыкі. І калі  дзяўчынка нешта посціць у сваім акаўнце ў сацыяльнай сетцы, яна вельмі чакае лайкаў і пазітыўных каментароў. Менавіта дзяўчаты цяжка перажываюць псіхалагічныя праблемы: труцяць сябе таблеткамі, алкаголем і іншымі хімічнымі рэчывамі. У параўнанні з 2005-2006 гадамі колькасць такіх выпадкаў павялічылася на 50%, а колькасць дзяўчынак, якія наносяць сабе пашкоджанні, павялічылася ў чатыры разы.

Акадэмія крэатыўных тэхналогій IT Princess запрашае дзяўчат разам з бацькамі на пятую гарадскую канферэнцыю #Girlsafety 5.0, каб распавесці самую свежую і актуальную інфармацыю па бяспецы ў сеціве і  і абмяняцца вопытам. У праграме канферэнцыі прадугледжаны  бацькоўска-дзіцячы і бацькоўскі блокі.

Эксперты распавядуць аб інтэрнэт-пагрозах і спосабах іх пераадолення, праграмах бацькоўскага кантролю, асаблівасцях псіхалогіі падлеткаў і многае іншае. Уваход свабодны па папярэдняй рэгістрацыі.

Надзея НІКАЛАЕВА

Фота Акадэміі крэатыўных тэхналогій IT Princess

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.