Вы тут

Прагноз надвор'я на тыдзень


У пачатку тыдня ўмовы надвор'я ў нашай краіне будзе вызначаць заходняя перыферыя антыцыклону з цэнтрам над сярэдняй Волгай, а разам з гэтым захаваецца халоднае без істотных ападкаў надвор'е.


А ў сярэдзіне тыдня надвор'е пачне мяняцца, і тэрыторыя краіны апынецца пад уплывам атмасферных франтоў і цёплых паветраных мас, якія паступаюць з Заходняй Еўропы. Тэмпературны фон пачне павышацца, чакаюцца ападкі ў выглядзе дажджу і мокрага снегу, месцамі туман і слабыя галалёдныя з'явы, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Заўтра ў сераду ў асобных раёнах Беларусі чакаюцца невялікія кароткачасовыя ападкі ў выглядзе мокрага снегу і дажджу. Амаль паўсюдна слабы туман і галалёд. Тэмпература паветра ўначы складзе ад мінус 8 градусаў па ўсходзе да плюс 1 градуса па паўднёвым захадзе краіны, удзень — ад мінус 2 градусаў да 5 цяпла. Таксама мокры снег з дажджом чакаецца і ў чацвер. Іх прынясуць да нас атмасферныя франты ўначы ў асобныя раёны, а ўдзень — на большую частку тэрыторыі краіны. Месцамі магчымыя слабы туман і галалёд. Тэмпература паветра ўначы — ад нуля да мінус 6 градусаў, а ўдзень — ад мінус 2 да 4 цяпла. Па паўднёвым захадзе краіны ўначы будзе 1—3 цяпла, удзень — ад плюс 5 да плюс 7 градусаў. У пятніцу часова пацяплее. У гэты дзень на большай частцы тэрыторыі пройдуць кароткачасовыя дажджы, уначы і раніцай па паўночным усходзе чакаюцца дождж, мокры снег і слабы галалёд. Тэмпература паветра на працягу сутак складзе ад нуля да плюс 5 градусаў, толькі ўначы па паўночным усходзе пры праясненнях панізіцца да мінус 3 градусаў. Разам з тым удзень па паўднёвым захадзе краіны будзе 6—8 цяпла.

Паводле папярэдніх прагнозаў айчынных сіноптыкаў, у суботу на большай частцы Беларусі пройдуць кароткачасовыя ападкі ў выглядзе дажджу, які будзе пераходзіць у мокры снег. Уначы і раніцай у асобных раёнах магчымы туман, удзень чакаецца парывісты вецер. Тэмпература паветра удзень — ад мінус 1 градуса па паўночным захадзе краіны да плюс 5 градусаў па паўднёвым усходзе.

Сяргей КУРКАЧ

Прэв'ю: udf.by

Загаловак у газеце: Вось і снег на галаву

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.