Вы тут

Хатняя энцыклапедыя. Гатуем цэпеліны і «сонечныя» аладкі


Цэпеліны

Спатрэбіцца: фарш свіны — 300 г; сала — 100 г; 2-3 вараныя бульбіны (у мундзіры); 4 сырыя бульбіны; жменя сухіх грыбоў; цыбуля (невялікая) — 2 шт.; паўшклянкі смятаны; соль; чорны перац; маяран.

Грыбы заліць шклянкай халоднай вады і пакінуць на гадзіну-дзве. Цыбулю дробна парэзаць. Сала нарэзаць саломкай таўшчынёй 1 см, вытапіць з яго тлушч (да стану скварак) на сярэднім агні. Скваркі дастаць і адкласці, у тлушчы абсмажыць 2/3 цыбулі з нарэзанымі дробна грыбамі (ваду з-пад грыбоў захаваць). Фарш змяшаць з абсмажанымі грыбамі і цыбуляй, дадаць соль, перац, маяран. Вараную і сырую бульбу, а таксама палову цыбуліны (каб не цямнела бульба) надзерці на дробнай тарцы; усё адціснуць праз сіта або марлю. Бульбяному соку даць адстояцца і сабраць з дна крухмал, дадаць да астатняй бульбы, усё добра змяшаць, пасаліць. З атрыманага бульбянога пюрэ зрабіць «зразы» з начынкай з фаршу (велічынёй крыху менш за яйка) прадаўгаватай формы. Варыць порцыямі ў падсоленай вадзе пры ціхім кіпенні 15—20 хвілін. У гэты час прыгатаваць соус: цыбулю, якая засталася, пасмажыць да мяккасці, уліць туды ваду з-пад грыбоў, напалову выпарыць на слабым агні, дадаць смятану, паперчыць, пасаліць, прагрэць. Падаваць адразу.


«Сонечныя» аладкі

Спатрэбіцца: морква (вялікая) — 1 шт., яблык (вялікі) — 1 шт., кефір — 3—4 ст. л., манна — 4 ст. л.,
яйкі — 2 шт., цукар — 2 ст. л., сода (гашаная) — 1 ч. л., карыца — на кончыку нажа, соль — на смак.

Моркву і яблык абіраем. У яблыка выдаляем семачкі. Надзіраем гародніну і садавіну на буйную тарку і змешваем. Дадаём да іх манну, яйкі, цукар, карыцу, соль і соду. Старанна змешваем і даём пастаяць 15—20 хвілін. Разаграваем патэльню і змазваем яе алеем. Сталовай лыжкай набіраем з місачкі масу для аладак, старанна адціскаем і фарміруем невялікія круглыя «катлеткі». Акуратна выкладваем іх на патэльню.

Смажым аладкі з двух бакоў да з'яўлення апетытнай залацістай скарыначкі.

Парада

Калі вы і вашы дамачадцы любіце чарнасліў, то можаце выкарыстоўваць яго замест карыцы — і смак стравы стане зусім іншы.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.