Чатырнаццаты раз прадухіляюць імітаваны ўзброены канфлікт удзельнікі Міжнароднай юрыдычнай алімпіяды «Моладзь за мір», якая з 25 да 29 лістапада праходзіць у Мінску ў Міжнародным ўніверсітэце «МІТСО». Сёлета ў конкурсе па міжнародным праве для студэнтаў і магістрантаў удзельнічаюць прадстаўнікі больш чым 20 краін свету. Канкурсанты павінны паказаць веданне міжнароднага гуманітарнага права, розных аспектаў міжнароднага публічнага права, якія ўзнікаюць у межах ваенных канфліктаў, а таксама правоў чалавека і яго здольнасцяў прыстасавацца да зменлівага асяродку.
Сёння неабходна выпрацаваць новыя падыходы ў сферы гуманітарнага права, якія б улічвалі ўсе выклікі сучаснасці і якія б маглі рэальна ўплываць на сітуацыю ў свеце. І менавіта моладзь павінна ўдзельнічаць у гэтым, мяркуе Міхаіл ОРДА, старшыня Федэрацыі прафсаюзаў Беларусі:
— Алімпіяда — гэта наш унёсак у выбудоўванне канструктыўнага міжнароднага дыялогу і добрасуседскіх адносін паміж краінамі. Беларусь па праве лічыцца самай стабільнай дзяржавай у рэгіёне. Днямі міжнародная група экспертаў абнародавала даследаванні пра глабальны індэкс тэрарызму, і наша краіна прызнана самай бяспечнай. Сёння каля 40 краін свету вядуць ваенныя дзеянні, аднак прама ці ўскосна ў іх удзельнічае значна больш дзяржаў. І пры гэтым парушаюцца самыя важныя нормы і абавязкі гуманітарнага права.
Для студэнтаў заўжды важна быць гатовымі да больш складаных часоў. Нельга быць занадта дасведчаным і падрыхтаваным да канфліктных сітуацый, таму гэтыя спаборніцтвы — падстава для пробы сябе ў практыцы міжнароднага права, дадаў Фларыян КНЭР, член журы алімпіяды (Германія).
Ірына СІДАРОК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
