Вы тут

У Токіа стартаваў 34-ы чэмпіянат свету па скачках на батуце


Для нашых спартсменаў гэта галоўны турнір у сезоне: акрамя медалёў, яны паспрачаюцца за алімпійскія ліцэнзіі. Спаборніцтвы праходзяць у сучасным гімнастычным цэнтры «Арыэйк», узвядзенне якога завяршылася роўна месяц таму. Менавіта батутыстам, а таксама прадстаўнікам двайнога міні-трампу і акрабатычнай дарожкі выпаў гонар першымі выпрабаваць знакавы аб'ект, на якім ужо налета пройдуць алімпійскія спаборніцтвы ў скачках на батуце, спартыўнай і мастацкай гімнастыцы.


З 28 лістапада да 1 снежня за 15 камплектаў узнагарод чэмпіянату свету спрачаюцца 340 спартсменаў з 37 краін. Па восем фіналістаў у мужчынскіх і жаночых індывідуальных скачках атрымаюць запаветныя ліцэнзіі на Алімпіяду, аднак ёсць абмежаванне: пуцёўку ў канкрэтным відзе атрымае максімум адзін спартсмен ад краіны.

У беларускім складзе мужчынскай каманды — вопытныя Уладзіслаў Ганчароў і Алег Рабцаў, а таксама юныя Іван Літвіновіч і Аляксей Дудараў, усе яны выступаюць у індывідуальных скачках. У сінхронных беларускія пары выглядаюць так: Аляксей Дудараў і Арцём Жук, а таксама дзеючыя чэмпіёны Уладзіслаў Ганчароў і Алег Рабцаў. У заяўцы жаночай каманды — Марыя Махарынская, Ангеліна Хацян і Валянціна Багамолава. Дзве апошнія дзяўчыны складуць адзіную беларускую пару ў сінхронных скачках. У скачках на акрабатычнай дарожцы Беларусь прадставіць Дзмітрый Навасёлаў.

Адзначым, што Уладзіслаў Ганчароў зараз лідзіруе ў сусветным рэйтынгу, у гэтым сезоне ён ужо перамагаў на этапах Кубка свету.

Дар'я ЛАБАЖЭВІЧ

Прэв'ю: noc.by

 

Загаловак у газеце: Рэпетыцыя Алімпіяды

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.