Вы тут

Часопіс «Алеся» адзначыў 95-годдзе


Канцэрт, мастацкая выстаўка і нават паказ калекцыі традыцыйнага адзення з розных рэгіёнаў краіны адбыліся сёння ў Нацыянальным мастацкім музеі. Тут урачыстай імпрэзай «Жанчыны трапяткі сусвет» адзначыў 95 гадоў з выхаду першага нумара адзін з найстарэйшых айчынных часопісаў — жаночы часопіс «Алеся».


Былых і цяперашніх супрацоўнікаў, аўтараў і чытачоў выдання павіншаваў з прыгожай датай намеснік кіраўніка Адміністрацыі Прэзідэнта Беларусі Андрэй Кунцэвіч, які зачытаў прывітальны адрас ад кіраўніка нашай дзяржавы, а ў адказ атрымаў падарунак на дзень нараджэння, які адзначае якраз сёння — падпіску на «Алесю». Самыя цёплыя віншаванні калектыву рэдакцыі агучылі намеснік міністра інфармацыі Ігар Бузоўскі, старшыня Беларускага саюза жанчын Марыяна Шчоткіна, дырэктар-галоўны рэдактар Выдавецкага дома «Звязда» Павел Сухарукаў. Падарункі і віншаванні ад калег атрымалі таксама былыя галоўныя рэдактары выдання — Марыя Карпенка, Раіса Баравікова, Тамара Бунта.

А Нацыянальны мастацкі музей Беларусі спецыяльна да імпрэзы падрыхтаваў адмысловы мастацкі праект — выставу аднаго дня. У яе ўвайшлі 7 твораў (4 скульптуры і 3 карціны), якія прадставілі розныя вобразы беларускіх жанчын — не толькі муз і натхняльніц, але і ўдзельніц, аўтараў твораў мастацтва.

«Часопіс быў, ёсць і будзе, і гэта галоўнае, — зазначыла напрыканцы вечара галоўны рэдактар „Алесі“ Ларыса Ракоўская, — будуць нашы чытачы і будзе нам шчасце».

Вікторыя ЦЕЛЯШУК

Фота Яўгена ПЯСЕЦКАГА

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.