Вы тут

Прыгода з сэнсам чакае юных гледачоў у Гомельскім маладзёжным тэатры


Да калядных і навагодніх святаў Гомельскі гарадскі маладзёжны тэатр рыхтуе для юных гледачоў навагодні паказ "Тры жаданні" па матывах твора Юрыя Елісеева, паведаміла БЕЛТА дырэктар тэатра Алена Маставенка.


Жанр пастаноўкі ў тэатры вызначылі як прыгода з сэнсам. Па сюжэце, злая вядзьмарка ператварае дзяўчыну Дуняшу ў панурую нязграбную саву. І засталася б дзяўчына птушкай назаўжды, калі б на дапамогу не прыйшоў Дзед Лесавік. Ён падказаў Дуняшы, як вярнуць чалавечае аблічча: трэба першаму сустрэчнаму падарыць выкананне трох жаданняў, і тады сава ператворыцца назад у юную прыгажуню. Аднак аказваецца, загадванне жаданняў - справа няпростая, не ўсякі справіцца.

"Ці бываюць цуды ў наш тэхнагенны век? Мы сцвярджаем - бываюць. Трэба толькі верыць у іх і памятаць: ва ўсе часы галоўнае - гэта дабро і каханне", - рэфлексуе Алена Маставенка.

Па словах арганізатараў, гледачоў чакае шмат жартаў, песень, танцаў, прадстаўленне падорыць выдатны настрой, а таксама шанец пабываць на Кудыкінай гары.

Над пастаноўкай працуюць рэжысёр Галіна Анчышкіна, мастак Таццяна Лісавенка, харэограф Варвара Каменская. Ролі выканаюць Ліза Астрахава, Сяргей Арцёменка, Дзмітрый Попчанка, Валерыя Лагута, Ірына Чарняўская, Яраслаў Кубліцкі, Сяргей Чугай, Сяргей Трухін, Дыяна Возчыкава, Марыя Дарашкова.

Прэм'ерны паказ запланаваны на 20 снежня.

Прэв'ю: pixabay.com

Выбар рэдакцыі

Культура

Што з нашага парадку дня трапляе ў «афіцыйнае» дакументальнае кіно

Што з нашага парадку дня трапляе ў «афіцыйнае» дакументальнае кіно

Свавольныя традыцыі, постчарнобыльскі рай і камп'ютарныя курсы для пенсіянераў.

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36