Вы тут

Шукаем інфармацыю пра лёсы ахвяр канцлагераў


Раней «Звязда» ўжо друкавала спісы ахвяр, знішчаных на расстрэльным полі Хебертсгаўзен, якое знаходзіцца за два кіламетры ад канцлагера Дахау. Адгукнулася некалькі беларускіх сем'яў, якія знайшлі ў спісах прозвішчы сваіх родных, дзве з іх змаглі з'ездзіць у Германію і ўскласці кветкі на магілы родных. А цяпер у рэдакцыю прыйшоў новы запыт. 


Генеральнае консульства Рэспублікі Беларусь у горадзе Мюнхене шукае інфармацыю, якая магла б праліць святло на лёсы паходзячых з Беларусі вязняў канцэнтрацыйных лагераў, ваеннапалонных і людзей, вывезеных на прымусовыя работы, якія загінулі на тэрыторыі Германіі ў гады Другой сусветнай вайны. Адным з месцаў, дзе маглі быць пахаваны грамадзяне Беларусі, з'яўляюцца Мюнхенскія могілкі «Ам Перлахер Форст», на якіх знаходзяцца тры мемарыялы часоў Другой сусветнай вайны. Першы мемарыял з абагуленай назвай «Перамешчаныя асобы» з'яўляецца месцам пахавання ахвяр, вывезеных у Германію на прымусовыя работы, а таксама іншых перамешчаных асоб і бежанцаў. Усяго ў гэтым месцы пахаваны 1192 чалавекі — з Савецкага Саюза, Польшчы, Балгарыі, Венгрыі, Румыніі, Грэцыі, Турцыі, Францыі, Бельгіі і Нідэрландаў. Другі мемарыял — месца памяці аб ахвярах канцэнтрацыйных лагераў. Тут пахаваны урны з прахам 4092 вязняў. У 1950 годзе кіраўніцтва Мюнхена прыняло рашэнне перанесці сюды урны з прахам ахвяр канцлагераў з іншых гарадскіх могілак і заснаваць мемарыял. Тут пахаваны жыхары Савецкага Саюза, Германіі, Аўстрыі, Чэхіі, Польшчы, Францыі і Нідэрландаў. Трэці мемарыял прысвечаны 94 вязням турмы «Штадэльхайм» горада Мюнхена, якія былі пакараны смерцю па палітычных матывах.

Па запыце Генконсульства ад кіраўніцтва могілак «АМ Перлахер Форст» былі атрыманы спісы пахаваных ахвяр. Сярод іх шэраг імёнаў асоб, якія нарадзіліся на тэрыторыі сучаснай Беларусі. Звяртаем вашу ўвагу, што інфармацыя ў спісах няпоўная, прозвішчы некаторых ахвяр за ваенным часам маглі скажацца. Калі вы знойдзеце тут сваіх блізкіх, просьба звязацца з рэдакцыяй. Важна вярнуць памяць пра гэтых людзей — каштоўныя любыя звесткі, у тым ліку ўспаміны пра ахвяр, фатаграфіі, дакументы. Сёння даследчыкам цікавы не толькі імёны, але і лёсы людзей.

  1. Дудкіна Клаўдзія (дата і месца нараджэння: 24.12.1916. Podbudsіe (Рагачоўскі раён?).
  2. Грыгарэнка Дзмітрый (45 гадоў. Гомель).
  3. Грынчанка Уладзімір (21.12.1923. Гарадзішча (Баранавіцкі, Мінскі раён?).
  4. Ілінскіс Антонія (19.05.1891. Мінск).
  5. Koltumjuk Anastas (Калтумюк Анастас) (1883. Камянец).
  6. Кавалёнак Іван (27.05.1929. Рагачоў).
  7. Кузніцкі Тэадор (Фёдар?) (01.06.1923. Навасады).
  8. Панас Яўген (10.01.1924. Ваўкавыск).
  9. Пахворын Максім (11.11.1905(?). Камянец).
  10. Покшыц Дзмітрый (15.08.1927. Мінск).
  11. Панурк Мікола (02.10.1924. Gorodіtchі (Гародзічы, Калінкавіцкі раён?).
  12. Самсон Надзя (26.07.1926. Пінск).
  13. Збрусінскі Адам (30.09.1884(?). Магілёў).
  14. Селявончук Мікалай (83 гады. Slonіn (Слонім?).
  15. Вінаградава Кесіма (57 гадоў. Шувры, Віцебск).
  16. Шаткоўскі Антон (05.11.1921. Масты).
  17. Славінскі Георг (23.04.1896. Чэрыкаў).
  18. Надзейка Мячыслаў (27.08.1911. Гродна).
  19. Ліпіна Віктар (27.11.1904. Руда (Навагрудскі раён?).
  20. Кубінскі Станіслаў (19.04.1888. Канстанцінава (Мядзельскі раён?).
  21. Glowackі Mіerzіsl (Главацкі Мячыслаў?) (23.11.1889. Астравец).
  22. Фяльчынскі Андрэй (10.11.1922. Падлессе (Стаўбцоўскі, Жабінкаўскі, Быхавіцкі, Ляхавіцкі раён).
  23. Дуберм Пётр (22.05.1902. Волька (Івацэвіцкі раён?).
  24. Чэчуковіч Казімір (05.01.1900. Іванкі (Брагінскі раён?).
  25. Байка Міхаіл (17.09.1912. Паўловічы (Круглянскі раён?).

Алена ДЗЯДЗЮЛЯ

Прэв'ю: thelocal.de

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».