Вы тут

У Мінску прайшла акцыя «Скарбонка здароўя»


Акцыя па прафілактыцы праглынання дробных прадметаў дзецьмі дашкольнага ўзросту «Скарбонка здароўя» адбылася ўчора на базе 6-й дзіцячай клінічнай паліклінікі ў Мінску.


Падчас прыёму педыятраў бацькам і дзецям расказалі пра зоны даступнасці дробных прадметаў і спосабы іх выяўлення. Малым уручылі «свінкі-скарбонкі» як альтэрнатыву для захоўвання дробных прадметаў, а бацькі атрымалі рэкамендацыі па абыходжанні з небяспечнымі рэчамі.

Мерапрыемства прайшло ў межах праекта «Прафілактыка неінфекцыйных захворванняў, прасоўванне здаровага спосабу жыцця і падтрымка мадэрнізацыі сістэмы аховы здароўя ў Рэспубліцы Беларусь» (БЕЛМЕД), які фінансуецца Еўрапейскім Саюзам і рэалізуецца ПРААН, СААЗ, ЮНІСЕФ і ЮНФПА ў партнёрстве з Міністэрствам аховы здароўя Рэспублікі Беларусь. У мерапрыемстве ўзялі ўдзел супрацоўнікі Дзіцячага фонду ААН (ЮНІСЕФ) у Беларусі і Міністэрства аховы здароўя Рэспублікі Беларусь. Мэта акцыі — прыцягнуць увагу да праблемы праглынання дробных прадметаў дзецьмі.

Алена КРАВЕЦ

Загаловак у газеце: Не праглынуць небяспечнае

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.