Вы тут

Google склаў рэйтынг самых папулярных запытаў беларусаў


Традыцыйна напрыканцы года Google прааналізаваў пошукавыя запыты беларускіх інтэрнет-карыстальнікаў за 2019-ты і прадставіў рэйтынг найбольш папулярных.


Найчасцей шукалі інфармацыю пра знакамітасцяў, серыялы і канкрэтныя мерапрыемствы. Так, часцей за ўсё беларусы ўводзілі ў пошукавы радок імя Юліі Началавай, якая пайшла сёлета з жыцця; на другім месцы — актрыса Анастасія Заваратнюк, наступнай топ-персонай у пошуку стаў новы прэзідэнт Украіны Уладзімір Зяленскі, а сярод землякоў найбольшую цікавасць выклікалі спявак Ціма Беларускіх і тэнісістка Арына Сабаленка.

У ліку папулярных запытаў — 8 сезон серыялу «Гульні тронаў», «Чарнобыль» ад тэлеканала НВО і «ІП Пірагова», а самым папулярным фільмам, па які звярталіся ў пошукавую сістэму, стала экранізацыя коміксаў Марфел — сусвет супергерояў «Мсціўцаў», псіхалагічны трылер «Джокер» і камедыйная драма Квенціна Таранціна «Аднойчы ў Галівудзе». Таксама ў топ-10 папулярных запытаў — перапіс насельніцтва Беларусі, што адбыўся гэтай восенню, і летнія Еўрапейскія гульні.
Што да пакупак праз інтэрнет, больш за ўсё беларусаў у 2019 годзе цікавіла набыццё вентылятара, аўтамабіля ў Германіі і кандыцыянера — відаць, сказалася надзвычай цёплае і доўгае лета. Акрамя таго, у спісе дзесяці найбольш папулярных пакупак — запыты аб электрасамакатах, веласіпедах, басейне, батуце, камп’ютары, білеце на Еўрапейскія гульні і цяпліцы.

ВІкторыя ЦЕЛЯШУК

Прэв'ю: pexels.com

Выбар рэдакцыі

Культура

Жэмчуг і пясок. Пяць расчараванняў Максіма Багдановіча

Жэмчуг і пясок. Пяць расчараванняў Максіма Багдановіча

існуе тэорыя, што толькі той, каму выпала перажыць моцныя ўзрушэнні, можа стаць сапраўдным паэтам.

Грамадства

Вакцынацыя і рэвакцынацыя: калі і каму прышчапляцца ад каранавіруса паўторна

Вакцынацыя і рэвакцынацыя: калі і каму прышчапляцца ад каранавіруса паўторна

Якую вакцыну выбраць для паўторнай прышчэпкі ад каранавіруса?

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў.