Аператыўнікі Мінскага аддзела ўнутраных спраў на транспарце ўстанавілі асобу мужчыны, які скраў з жаночай сумачкі прадаўца кругласутачнага буфета, размешчанага на чыгуначным вакзале, тысячу долараў.
Зламыснік, скарыстаўшыся тым, што прадавец ноччу заснула на працоўным месцы, выкраў з яе сумачкі грашовыя сродкі, два блокі цыгарэт, а таксама прадукты харчавання. Калі жанчына прачнулася, адразу заўважыла прапажу і звярнулася па дапамогу ў міліцыю.
Сышчыкі па гарачых слядах затрымалі падазраванага, калі апошні вярнуўся на чыгуначны вакзал для таго, каб з'ехаць у напрамку Брэста. Ім быў 37-гадовы мінчанін. Устаноўлена, што раней мужчына неаднаразова прыцягваўся да крымінальнай адказнасці.
Таксама ў ходзе правядзення аператыўна-вышуковых мерапрыемстваў аператыўнікі ўстанавілі датычнасць мужчыны да шэрагу аналагічных злачынстваў у сталіцы.
Сяргей РАСОЛЬКА
Прэв'ю: blog.getbase.com
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
