Вы тут

Сонца будзе разаграваць паветра на гэтым тыдні да плюс 10 градусаў


У трэці тыдзень снежня ў нашай краіне будзе пераважаць антыцыкланальны характар надвор'я, яно чакаецца цёплае і пераважна без ападкаў. Толькі ў канцы тыдня да нас зацягне атмасферныя франты (з дажджамі і мокрым снегам), якія ссоўваюцца з боку Заходняй Еўропы, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


А ў сераду надвор'е будзе ў асноўным вызначаць вобласць павышанага атмасфернага ціску. Таму пераважна без ападкаў. Месцамі слабы туман. Удзень у асобных раёнах Віцебскай вобласці чакаецца парывісты вецер. Тэмпература ўначы будзе ад нуля да плюс 5 градусаў, удзень — ад плюс 3 да плюс 10 градусаў.

Не чакаецца ападкаў і ў чацвер. Толькі месцамі прагназуецца слабы туман. Уначы і раніцай у асобных раёнах Віцебскай вобласці захаваецца парывісты вецер. Тэмпература паветра ўначы складзе ад мінус 1 градуса да 4 цяпла, а ўдзень — плюс 1—6 градусаў. У пятніцу будзе ў асноўным без ападкаў, толькі ўдзень месцамі па захадзе краіны прагназуюцца невялікія кароткачасовыя дождж і мокры снег, слабы туман і галалёд. На асобных участках дарог галалёдзіца. Тэмпература паветра ўначы складзе ад мінус 5 градусаў па паўночным усходзе да плюс 4 па паўднёвым захадзе краіны. Удзень будзе ад 2 градусаў марозу да 4 цяпла, у паўднёва-заходніх раёнах краіны — да плюс 7 градусаў.

Паводле папярэдніх прагнозаў айчынных сіноптыкаў, у суботу ў асобных раёнах краіны пройдуць кароткачасовыя ападкі ў выглядзе мокрага снегу і дажджу, будуць слабыя туман і галалёд. На асобных участках дарог галалёдзіца. Уначы чакаецца ад мінус 4 градусаў да плюс 2, удзень — ад мінус 1 градуса да 5 цяпла. У паўднёва-заходніх раёнах краіны нават уначы з плюсам — да 3—5 цяпла, удзень — плюс 6—7 градусаў.

Сяргей КУРКАЧ

Прэв'ю: goodfon.ru

Загаловак у газеце: Цёпла і суха

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.