Аб гэтым «Звяздзе» паведаміла старшыня Цэнтральнай камісіі Беларусі па выбарах і правядзенні рэспубліканскіх рэферэндумаў Лідзія ЯРМОШЫНА пасля пасяджэння камісіі. Распрацоўка метадычных растлумачэнняў пачнецца яшчэ да вызначэння дакладнай даты выбараў, якія мусяць адбыцца не пазней за 30 жніўня наступнага года.
Разам з тым, зараз яшчэ падводзяцца вынікі выбарчай кампаніі — 2019. У прыватнасці, ЦВК на пасяджэнні зацвердзіла зводную справаздачу аб фактычных выдатках на падрыхтоўку і правядзенне выбараў у Савет Рэспублікі Нацыянальнага сходу Беларусі сёмага склікання. Як паведаміла саветнік-кансультант аддзела арганізацыйнай, фінансавай работы і міжнароднага супрацоўніцтва апарату Цэнтральнай камісіі Валянціна ВАСІЛЕЎСКАЯ, у рэспубліканскі бюджэт вярнулася 20 039 рублёў з запланаваных 72 тысяч.
Такім чынам, у цэлым па Беларусі выдаткі на падрыхтоўку і правядзенне выбараў у Савет Рэспублікі склалі 51 916,12 рубля. Брэсцкая і Віцебская вобласці выкарысталі 78 працэнтаў ад запланаваных сродкаў, Мінская — 83,5 працэнта, Гомельская — 59 працэнтаў.
Фінансавая справаздача аб правядзенні выбараў у Палату прадстаўнікоў рыхтуецца на працягу трох месяцаў, але ўжо відаць, што і тут атрымалася значная эканомія.
На пасяджэнні таксама разгледжаны скаргі грамадзян Тушынскага і Старавойтава на вынікі выбараў па Пушкінскай выбарчай акрузе № 103 і Сенненскай № 30. Дарэчы, камісія абмеркавала заявы, нягледзячы на прапушчаныя тэрміны для іх падачы. «Каб у скаржнікаў не склалася ўяўлення аб фармальным падыходзе», — адзначыла Лідзія Ярмошына. Падстаў для задавальнення скаргаў не выяўлена.
Варвара МАРОЗАВА
Прэв'ю: 1prof.by
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».