Вы тут

Што зменіцца пры налічэнні заробкаў педагогам?


Указам Прэзідэнта Рэспублікі Беларусь з 1 студзеня 2020 года змяняецца парадак фарміравання заработнай платы работнікаў бюджэтных арганізацый. Яна будзе разлічвацца зыходзячы з базавай стаўкі (замест тарыфнай стаўкі першага разраду) і 18-разраднай тарыфнай сеткі (замест 27-разраднай).


У Міністэрстве адукацыі растлумачылі, што ў заробку педагагічных работнікаў асобныя выплаты будуць аб'яднаныя і змененыя.

У прыватнасці, у гэтым годзе заработная плата выхавальніка і настаўніка складалася з тарыфнага акладу, павышэнняў тарыфнага акладу, устаноўленых пастановамі Савета Міністраў Рэспублікі Беларусь, павышэння тарыфнага акладу за працу па кантракце; павышэння тарыфнага акладу за стаж работы па спецыяльнасці, надбаўкі за наяўнасць кваліфікацыйнай катэгорыі, надбаўкі за выкананне асобных відаў работ, надбаўкі за высокія прафесійныя, творчыя, вытворчыя дасягненні ў працы, яе складанасць і напружанасць, а таксама за выкананне асабліва важных (тэрміновых) работ, прэміі і матэрыяльнай дапамогі.

З 1 студзеня 2020 года заработная плата выхавальнікаў і настаўнікаў будзе складацца з акладу, надбавак: за стаж работы ў бюджэтнай арганізацыі, за работу па кантракце, за спецыфіку працы ў сферы адукацыі ў залежнасці ад кваліфікацыйнай катэгорыі, за характар працы пры выкананні асобных відаў работ, за высокія дасягненні ў працы і прэміі.

Заработная плата дацэнта, які мае вучоную ступень кандыдата навук, складаецца цяпер з тарыфнага акладу, павышэння тарыфнага акладу ў адпаведнасці з пастановамі Савета Міністраў Рэспублікі Беларусь, павышэння тарыфнага акладу за працу па кантракце, павышэння тарыфнага акладу за стаж работы па спецыяльнасці, даплаты за вучоную ступень кандыдата навук, надбаўкі за выкананне асобных відаў работ (за куратарства вучэбнай групы і іншае), надбаўкі за высокія прафесійныя, творчыя, вытворчыя дасягненні, складанасць і напружанасць працы, а таксама за выкананне асабліва важных (тэрміновых) работ, прэміі і матэрыяльнай дапамогі.

З 1 студзеня 2020 года заработная плата дацэнта, які мае вучоную ступень кандыдата навук, будзе складацца з акладу, надбавак за працу па кантракце, за стаж работы ў бюджэтных арганізацыях, за навуковую ступень кандыдата навук, за спецыфіку работы ў сферы адукацыі, за характар працы пры выкананні асобных відаў работ, за высокія дасягненні ў працы і прэміі.

Акрамя таго, з 2020 года работнікам бюджэтных арганізацый будзе ажыццяўляцца штогадовая аднаразовая выплата на аздараўленне з разліку 0,5 акладу (як правіла, пры сыходзе ў адпачынак), а таксама аказвацца матэрыяльная дапамога (як правіла, у сувязі з неспадзяванымі матэрыяльнымі цяжкасцямі).

Такім чынам, з 2020 года зменены віды і памеры выплат, з якіх складаецца заработная плата, пры гэтым памер заработнай платы кожнага работніка не знізіцца.

Надзея НІКАЛАЕВА

Прэв'ю: b-g.by

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.