Вы тут

Iгар Сергеенка падарыў iнтэрактыўную панэль Маладзечанскай школе-iнтэрнату


Святочная навагодняя атмасфера ў гэтыя дні пануе ў Маладзечанскай спецыялізаванай агульнаадукацыйнай школе-інтэрнаце. З карыснымi падарункамі падчас акцыi «Нашы дзецi» сёння сюды завітаў кіраўнік Адміністрацыі Прэзідэнта Ігар СЕРГЕЕНКА. Дзеці у адказ падрыхтавалі навагодні спектакль і таксама не пакінулі гасцей без сюрпрызаў, зробленых сваімі рукамі.


І малыя, і дарослыя з аднолькавым энтузіязмам клікалі Дзеда Мароза, выконвалі яго задачкі,танцавалі і весяліліся.

— Сёння я быццам бы пабываў у дзяцінстве. Усе, што я ўбачыў, уразіла мяне ў добрым сэнсе слова. Гэта і выдатныя ўмовы для вучобы і заняткаў, адпачынку і заняткаў спортам, а таксама прафесійны педкалектыў, які акружыў клопатам і ўвагай. Адчуваецца, што тут удалося сфарміраваць сапраўдную хатнюю атмасферу. Вучыцеся, дасягайце вынікаў у спорце і творчасці. А свае сенняшнія ўражанні аб сяброўстве і вучобе ў такім калектыве, я упэўнены, вы пранясеце праз усё жыццё, — пажадаў выхаванцам кіраўнік Адміністрацыі Прэзідэнта.

Ігар Сергеенка, акрамя цацак і салодкіх падарункаў, прэзентаваў неабходную школе інтэрактыўную панэль. Справа ў тым, што ў Маладзечанскай спецыялізаванай агульнаадукацыйнай школе- інтэрнаце вучацца дзеці з асаблівасцямі псіхафізічнага развіцця. Усе яны маюць парушэнні зроку. Пры гэтым у некаторых дзяцей ёсць і спадарожныя дыягназы.

А намеснік старшыні Мінскага аблвыканкама Іван МАРКЕВІЧ падарыў школе аўтарэфрактаметр. Дыягнастычны апарат дазволіць многія абследананні рабіць на базе школы. У прыватнасцi, даследаваць клінічную рэфракцыю вока, вызначаць крывізну рагавіцы, яе памер і шырыню зрэнак.

У школе каля сотні вучняў ад 6 да 17 гадоў, сярод іх 17 дзяцей-сірот, 68 інвалідаў па зроку (у іх вастрыня зроку не большая за 20%, з карэкцыяй — не большая за 40).

Маладзечанская школа з’яўляецца рэгіянальным цэнтрам для Мінскай вобласці ў навучанні дзяцей з аслабленым зрокам і рэспубліканскім цэнтрам у навучані слепаглухіх дзяцей.

— Наша галоўная задача - стабілізаваць зрок, спыніць яго падзенне ў вучняў, — тлумачыць дырэктар школы Наталля ГЛІНСКАЯ.

Адметна, што многія выпускнікі школы выбіраюць прафесію педагога ці выхавацеля і пасля вяртаюцца ў родную школу. Сярод іх і музычны педагог Уладзімір Зданкевіч, які выступіў на прадстаўленні ў ролі Дзеда Мароза.

Алена КРАВЕЦ

Фота БЕЛТА

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.