Вы тут

Анатоль Ісачанка наведаў дзіцячы дом сямейнага тыпу ва Уздзе


Намеснік старшыні Савета Рэспублікі Нацыянальнага сходу Беларусі Анатоль Ісачанка пабываў у дзіцячым доме сямейнага тыпу ў горадзе Узда. Анатоль Міхайлавіч павіншаваў дарослых і дзяцей з Новым годам і Калядамі, а таксама ўручыў ім падарункі.


Муж і жонка Таццяна і Анатоль Коршукі стварылі па-сапраўднаму спрыяльныя ўмовы для гарманічнага развіцця і выхавання прыёмных дзяцей. Сёння іх у сям’і шасцёра.

Родная маці Кацярыны Кунчыц 2008 года нараджэння пазбаўлена бацькоўскіх правоў. Дзяўчынку забрылі ў сям’ю, калі ёй было шэсць месяцаў. Каця – дзіця з асаблівасцямі псіхафізічнага развіцця. Яўген і Яна Клімовічы сталі паўнапраўнымі членамі новай сям’і ва ўзросце 6 і 7 гадоў. Дзеці ходзяць у Уздзенскую сярэднюю школу №1 імя А.С. Пушкіна. Яна – дзіця з асаблівасцямі псіхафізічнага развіцця, вучыцца ў інтэграваным класе па спецыяльнай адукацыйнай праграме. Ганна і Дзмітрый Тарасевічы перададзены на выхаванне ў дзіцячы дом  ва ўзросце 5 і 3 гадоў. Злата Вавілава стала часткай вялікай сям’і зусім нядаўна – у кастрычніку гэтага года.

Ілля, Яўген і Іна Коршукі – выпускнікі дзіцячага дома сямейнага тыпу. Ілля Коршук (Лукашэвіч) з’явіўся ў сям’і у сем гадоў. У 2019-м закончыў Мінскі вышэйшы радыётэхнічны каледж, працуе ў Дэпартаменце аховы раённага ўпраўлення ўнутраных спраў Фрунзенскага раёна Мінска. Яўген Коршук (Куліна)  жыў у прыёмнай сям’і з 7 гадоў. Цяпер вучыцца. ў Мар’інагорскім дзяржаўным  аграрна-тэхнічным каледжы імя Лабанка. Іна Коршук (Клімовіч)  – выхоўвалася ў сям’і з 10 гадоў. Дзяўчынка –інвалід, цяпер -- навучэнка Мінскага дзяржаўнага медыцынскага каледжа. Пры атрыманні пашпарта ўсе трое змянілі прозвішча  і імя па бацьку.

Таццяна ЛАЗОЎСКАЯ

Фота БЕЛТА

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.