Вы тут

Дзед Мароз у званні генерала


У Рэспубліканскім рэабілітацыйным цэнтры для дзяцей-інвалідаў у чацвер панавала свята. Туды прыехаў творчы калектыў ваенна-паветраных сіл і войскаў проціпаветранай абароны. Вайскоўцы захапілі з сабой не толькі салодкія падарункі, але і адмысловы дзіцячы рэпертуар. Гэта было зроблена наўмысна для таго, каб падарыць добры настрой тым, каму ён так неабходны. Яшчэ адна традыцыя – частаванне смачнай выпечкай.


- Для нашых дзяцей гэта незвычайны дзень, - кажа дырэктар установы Людміла Кандрашова. – Стала добрай традыцыяй тое, што да нас напярэдадні Новага года прыходзяць вайскоўцы. Дзеці таксама рыхтаваліся сустракаць гасцей. Яны падарылі ваенным зробленыя сваімі рукамі падзелкі. Свята хатняе, таму што людзі ў пагонах прыходзяць да нас са сваімі пірагамі. І малыя вельмі чакаюць іх.

- Мы не робім разавыя акцыі, а дапамагаем усім, чым можам, на працягу года, - адзначае камандуючы Ваенна-паветранымі сіламі і войскамі проціпаветранай абароны Узброеных Сіл Беларусі Ігар Голуб. - Наша задача – зрабіць невялікі падарунак перад святам. Як усе маленькія дзеці, яны людзей у форме ўспрымаюць як волатаў і прычым вельмі строгіх. Але потым, калі пачынаеш з імі гутарыць, яны раскрываюцца і, у сваю чаргу, задаюць шмат пытанняў. З боку дарослага пачынаеш думаць: як жа правільна так адказаць, каб дзіця гэта разумела. Мы іх заўсёды запрашаем да сябе ў госці.

За мінулы год дзякуючы рэабілітайцыйнаму Цэнтру з інваліднымі каляскамі развіталіся 12 малых.

Валяр’ян ШКЛЕННІК

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.