Вы тут

Лукашэнка: У беларусаў ніколі не было, няма і не можа быць чужых дзяцей


«Згодна з традыцыямі, у беларусаў ніколі не было, няма і не можа быць чужых дзяцей», — адзначыў сёння на дабрачынным свяце ў Палацы Рэспублікі ў рамках акцыі «Нашы дзеці» Прэзідэнт Беларусі Аляксандр Лукашэнка. Ужо чвэрць стагоддзя ў Беларусі праводзіцца дабрачынны марафон «Нашы дзеці». Кіраўнік дзяржавы падзякаваў усім, хто падтрымаў гэтую ініцыятыву, адгукнуўся на яго заклік.


«Для мяне, як Прэзідэнта, вельмі важна зрабіць усё магчымае, каб у жыцці кожнага з вас, кожнага нашага дзіцяці прыйшло чараўніцтва ў выглядзе шчырага клопату, душэўнага цяпла, нечаканых падарункаў і прыемных сустрэч з добрымі і спагаднымі людзьмі. Менавіта такім павінна быць наша свята», — звярнуўся да маленькіх беларусаў Аляксандр Лукашэнка.

Але ён нагадаў, што падарункі, як і іншае лепшае ў жыцці, залежыць толькі ад нас саміх. «Калі вы гэтага моцна захочаце і нешта для гэтага зробіце, абавязкова ўсё гэта атрымаеце», — запэўніў лідар краіны.

«Кіруючыся заклікам сэрца, мы заўсёды гатовыя прыняць удзел у лёсах маленькіх грамадзян іншых дзяржаў. Мы ўсё-такі худа-бедна жывём пад мірным небам, у спакойнай, ціхай і прыгожай краіне. Але далёка не паўсюль так. І мы як сапраўдныя высакародныя людзі, як сапраўдныя беларусы дапамагаем гэтым дзецям. Да нас на аздараўленне прыязджаюць хлопцы з розных куткоў планеты. Напрыклад, з Японіі, Кітая, Сірыі. У рэспубліканскім цэнтры „Зубраня“ пабывалі дзеці з больш чым 40 краін свету, — паведаміў Прэзідэнт і дадаў: — Гэта малое, што мы можам зрабіць для таго, каб усе дзеці Зямлі ведалі: яны патрэбныя. І мы, дарослыя, у сваёй большасці жывём і працуем дзеля шчаслівай будучыні гэтых дзяцей».

Аляксандр Лукашэнка адзначыў, што верыць — у будучыні прысутныя ў зале гледачы стануць добрымі людзьмі, якія зробяць для сваёй краіны нешта важнае і карыснае. Доказ — іх шматлікія дыпломы прадметных алімпіяд, перамогі на музычных і мастацкіх конкурсах, медалі ў спорце. «Я шчыра ганаруся ўсімі вашымі поспехамі. Думаю, што такіх поспехаў стане яшчэ больш, калі мы адкрыем Нацыянальны дзіцячы тэхнапарк для самых адораных і юных беларусаў. З усіх куткоў нашай радзімы туды будуць мець магчымасць прыехаць нашы дзеці. Пропуск адзіны — вашы веды і талент», — падкрэсліў ён і папрасіў маленькіх беларусаў шанаваць і берагчы блізкіх людзей, паважаць настаўнікаў.

'

У Палац Рэспублікі сёння запрошаны амаль 2400 дзяцей з усіх куточкаў краіны. Некаторыя з іх здзейснілі ў сваім жыцці значныя дасягненні ў творчых конкурсах, рэспубліканскіх і міжнародных алімпіядах, спартыўных спаборніцтвах, грамадзянскай рабоце, а іншыя, наадварот, спазналі самыя значныя страты — дзеці-сіроты, дзеці, якія засталіся без апекі бацькоў. Сярод гасцей галоўнай ёлкі краіны — навучэнцы Вільнюскай гімназіі імя Францыска Скарыны, Рыжскай беларускай асноўнай школы.

Марыя ДАДАЛКА

Фота БелТА і Яўгена ПЯСЕЦКАГА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.