Вы тут

Адпачывайце на здароўе!


Больш за 6 тысяч замежнікаў сустракаюць навагоднія святы ў беларускіх санаторыях


У санаторыі “Прыазёрны”: рэлакс з навагоднім каларытам. Фота БЕЛТА

Навошта ляцець у Егіпет, калі можна змяніць абстаноўку, адпачыць на здароўе ў Навагодне-Калядную пару і ў беларускіх санаторыях? Пуцёўкі туды на Новы год раскуплены месяцы за тры таму ці й раней, а пераважная большасць гасцей (80 %) — расіяне. Дырэктар Рэспубліканскага цэнтра па аздараўленні ды санаторна-курортным лячэнні насельніцтва Генадзь Балбатоўскі расказаў, што навагодні адпачынак у Беларусі для многіх расіян становіцца такой жа традыцыяй, як і пераднавагодні паход у лазню: “За некалькі месяцаў былі забраніраваны ўсе пуцёўкі, цяпер на 100 % выкуплены. Цэны ў сувязі з павышаным попытам на такія навагоднія туры крыху павялічаны. Калі сярэдні кошт адных сутак у стандартным двухммесцавым пакоі сёлета быў 57 рублёў 60 капеек, то на святы — 64 рублі. Сярэдні кошт святочнага банкета — 135 рублёў. Пуцёўкі рэалізаваны ў поўным аб’ёме, санаторыі будуць працаваць у гэтыя дні з поўнай загрузкай”.

А куды ў асноўным едуць? Самыя папулярныя ў замежных турыстаў санаторыі: “Ружанскі” (Брэстчына), “Азёрны”, “Радон” і “Альфа-Радон” (Гродзеншчына), “Баравое”, “Лясное” (Віцебшчына), “Прыазёрны” ды “Спадарожнік” (абодва на возеры Нарач), “Юнацтва”, “Крыніца” (Міншчына), “Світанак” (Магілёўшчына), “Прыдняпроўскі” ды “Сосны” (Гомельшчына).

Дарэчы, сёлета ў Беларусі ў санаторыях адпачыла 230 тысяч замежнікаў. Мяркуецца, што больш за 220 мільёнаў рублёў заробяць санаторыі ад экспарту паслуг (летась — 193 мільёны). Пры тым, падкрэсліў Генадзь Балбатоўскі, пералік абавязковых медыцынскіх і аздараўленчых працэдур, якія ўваходзяць у кошт пуцёўкі, пашыраны. Адметна, што ў іншы, не навагодні час 60 % пуцёвак у здраўніцы, якія паступаюць у свабодны продаж, выкупляюць беларусы. Сёлета па іх адпачылі, аздаравілася 1,36 мільёна чалавек, у тым ліку за кошт рэспубліканскага бюджэту й сродкаў сацстрахавання — 790 тысяч. З іх каля 720 тысяч — дзеці (бо 80 % вылучаных сродкаў расходуецца на іх пуцёўкі ў лагеры ды іншыя аздараўленчыя ўстановы), астатнія 70 тысяч — дарослыя.

Інваліды І і ІІ груп атрымліваюць пуцёўкі ў беларускія здраўніцы бясплатна, іншыя катэгорыі грамадзян — у залежнасці ад сваіх даходаў. У сярэднім пенсіянеры аплачваюць 20–30 % кошту пуцёўкі, а тыя, хто працуе — 30–40 %. Дарэчы, Рэспубліканскі цэнтр па аздараўленні насельніцтва ўжо закупіў пуцёўкі на 2020 год.

Алена Кравец

Нумар у фармаце ПДФ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.