Вы тут

Бягомльская дапаможная школа-інтэрнат атрымала камп'ютар


Уладзімір АНДРЭЙЧАНКА, старшыня Палаты прадстаўнікоў Нацыянальнага сходу, учора ў рамках акцыі «Нашы дзеці» наведаў Бягомльскую дапаможную школу-інтэрнат Докшыцкага раёна. Установе падарыў камп'ютар, а кожнаму выхаванцу — па салодкім падарунку.


Фота БЕЛТА

У гэтай школе, што ў гарадскім пасёлку Бягомль, сёння жыве больш за сто дзяцей з асаблівасцямі развіцця ва ўзросце ад 7 да 17 гадоў.

Уладзімір Андрэйчанка, віншуючы дзяцей і работнікаў інтэрната, адзначыў, што яму вельмі прыемна тут быць напярэдадні навагодняга свята, і гэта ўжо шматгадовая традыцыя.

Народны выбраннік звярнуў увагу, што ў школе-інтэрнаце штогод адбываюцца значныя змены ў лепшы бок — як і ва ўсім гарадскім пасёлку, дзе становіцца ўсё больш утульна. Тут актыўна вядзецца добраўпарадкаванне вуліц і двароў, прыведзены ў парадак многія аб'екты сацыяльна-культурнага прызначэння. І гэта ўсё робіцца дзеля дзятвы і дарослых, якія жывуць у населеным пункце.

Віншуючы выхаванцаў і ўвесь калектыў школы, Уладзімір Андрэйчанка падкрэсліў, што навагодняе свята асаблівае, а, калі верыць у цуды, яны збываюцца. Ён адзначыў, што ў краіне ёсць усё магчымае для самарэалізацыі, набыцця прафесіі, атрымання годнай работы. Спікер парламента пажадаў, каб усе мары рэалізаваліся ў наступным годзе.

— Каб дасягнуць таго, што запланавалі, пра што марыце, канешне, трэба добра вучыцца, старацца ў першую чаргу для сябе, — падкрэсліў ён.

Старшыня Докшыцкага раённага выканаўчага камітэта Алег Пінчук падзякаваў педагогам і выхавацелям школы-інтэрната за тое, што не шкадуючы аддаюць хлопчыкам і дзяўчынкам душэўную цеплыню. Ад райвыканкама ён перадаў у падарунак тэлевізар.

Свае салодкія падарункі дзецям таксама ўручылі прадстаўнікі ААТ «Ашчадны банк «Беларусбанк» — шэфа інтэрната. А ўстанове адукацыі — пральную машыну і пыласосы...

Дзеці паказалі гасцям святочнае прадстаўленне. І выказалі надзею, што ўбачацца зноў.

Аляксандр ПУКШАНСКІ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?