Вы тут

Сябры Беларускага саюза мастакоў абралі новага старшыню


17 снежня ў сталічным Палацы мастацтваў адбыўся XXIII з’езд Беларускага саюза мастакоў, дзе выбіралі новага старшыню аб’яднання. З вялікім адрывам перамог 36-гадовы мастак Глеб Отчык, які дагэтуль працаваў намеснікам старшыні па творчай дзейнасці БСМ. Кандыдатаў было пяцёра, новы старшыня набраў 154 галасы з 307.


Глеб Отчык належыць да так званай новай хвалі беларускіх мастакоў. Мастацтвазнаўцы называюць яго маладым і амбіцыёзным. Сам мастак нарадзіўся ў Гомелі. У 2007 годзе скончыў Беларускую акадэмію мастацтваў па спецыяльнасці «Манументальна-дэкаратыўнае мастацтва». З’яўляецца сябрам Беларускага саюза мастакоў з 2008 года, у той жа год быў запрошаны выкладчыкам на кафедру малюнка Беларускай акадэміі мастацтваў. Акрамя творчасці, актыўна займаецца праблемамі мастацкай адукацыі, у тым ліку ў сярэдніх школах краіны.

З 1997 года мастак удзельнічае ў розных міжнародных, рэспубліканскіх і рэгіянальных мастацкіх выстаўках, сімпозіумах, біенале і пленэрах. Яго творы знаходзяцца ў калекцыях гістарычных музеяў Турава і Мазыра, калекцыі жывапісу аддзела культуры Гомельскага выканаўчага камітэта і абласной бібліятэкі імя Леніна, а таксама ў прыватных калекцыях Беларусі, Расіі, Літвы, Польшчы, Галандыі, Італіі, Венгрыі, Славакіі, Малдовы і Ірландыі.

У найбліжэйшы час новы старшыня Беларускага саюза мастакоў плануе вызначыцца з будучай канцэпцыяй і мадэллю існавання саюза, а таксама мае на мэце прадумаць стратэгічныя падыходы ва ўзаемадзеянні паміж усімі структурамі і сябрамі аб’яднання.

Вікторыя АСКЕРА

Загаловак у газеце: Выбар зроблены!

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.