Вы тут

Сертыфікаты на мультымедыйнае абсталяванне і газонакасілку ўручылі Нядзельнай школе ў Лідзе


Сертыфікаты на мультымедыйнае абсталяванне і газонакасілку ўручыў кіраўнік Мінпрыроды настаўнікам і выхаванцам Нядзельнай школы і прыходу пры Свята-Георгіеўскім храме Ліды.


З надыходзячымі Новым годам і Нараджэннем Хрыстовым выхаванцаў і настаўнікаў Нядзельнай школы пры Свята-Георгіеўскім храме — адзінай школы такога тыпу ў краіне, якая носіць статус экалагічнай — павіншаваў міністр прыродных рэсурсаў і аховы навакольнага асяроддзя Андрэй Худык. На яго думку, асвета і выхаванне грамадзян у духу беражлівых адносін да навакольнага свету, яго прыроднага патэнцыялу з’яўляецца адным з найбольш важных кірункаў сумеснай дзейнасці Беларускай праваслаўнай царквы і Мінпрыроды.

— На жаль, спажывецкае стаўленне да жыцця, прыроды сёння закладваецца з дзяцінства, што, на самай справе, супярэчыць хрысціянскім адносінам да прыроды і чалавека, які з’яўляецца часткай самой прыроды, — адзначыў міністр. Ён выказаў глыбокую ўдзячнасць настаўнікам нядзельнай школы і настаяцелю Свята-Георгіеўскага храма протаіерэю Расціславу Салаўёву за фарміраванне ў падрастаючага пакалення экалагічна дружалюбнага ладу жыцця, правільных адносін чалавека да Божага стварэння — Прыроды.

У знак удзячнасці свяшчэнству і прыходу пры храме і для ўмацавання матэрыяльна-тэхнічнай базы храма міністр уручыў сертыфікат на мультымедыйнае абсталяванне, якое дазволіць выкарыстоўваць найноўшыя дасягненні ў вобласці экалагічнай асветы. А каб аблягчыць вялікую работу, якая праводзіцца па добраўпарадкаванні тэрыторыі вакол храма, падарыў газонакасілку.

Акрамя традыцыйных салодкіх падарункаў, свае заслужаныя ўзнагароды — дыпломы і цікавыя кнігі пра прыроду — атрымалі і пераможцы конкурсу дзіцячага малюнка на экалагічную тэматыку «Свет прыроды — Божы свет», арганізаванага ў рамках сумеснага праекта па экалагічным выхаванні Міністэрства прыродных рэсурсаў і аховы навакольнага асяроддзя і Беларускай праваслаўнай царквы.

Выхаванцы нядзельнай школы ж падрыхтавалі для свайго госця калядны спектакль.

Вераніка КОЛАСАВА

Фота Мінпрыроды

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».