500-гадовыя яйкі выяўленыя ў грабніцы

У горадзе Гуан’ань, што ў правінцыі Сычуань (Паўднёва-Заходні Кітай) археолагі выявілі ў грабніцы посуд з рысам і яйкамі узростам больш за 500 гадоў.Аб гэтым паведаміла мясцовая ўстанова па ахове культурных рэліквій, перадае «Жэньмінь жыбаа» анлайн».

Як паведаміла дырэктар музея горада Гуан’ань Тан Юньмэй, ёмістасць была знойдзена ў грабніцы часоў дынастыі Мін (1368-1644 гг.) у адной з турыстычных зон горада. Як стала вядома з эпітафіі, грабніца належыць памерламу ў 1501 годзе мясцоваму жыхару Ян Міну і яго двум жонкам.

Яйкі з непашкоджанай шкарлупінай, якія знаходзіліся ў пасудзіне, былі засыпаны рысам. Каменная грабніца была добра закрытая, яе канструкцыя спрыяла абароне ад вільгаці і карозіі, у прыватнасці дно драўляных трунаў было выкладзена пластом вапны таўшчынёй 2-5 см.

«Яйкам ўдалося захавацца дзякуючы дбайнай канструкцыі грабніцы, якая ўяўляла сабой герметычна закрытае памяшканне з пастаяннай тэмпературай і сталым узроўнем вільготнасці», — сказала эксперт.

Выяўленне яек у старажытных магільнях, якія захаваліся ў цэласці, здараецца вельмі рэдка ў Кітаі. У адным з нешматлікіх зарэгістраваных выпадкаў у сакавіку археолагі выявілі збан 2500-гадовай грабніцы ў правінцыі Цзянсу (Усходні Кітай). Ён быў напоўнены яйкамі, з якіх толькі адно аказалася пабітым.

У 2015 годзе археолагі ў правінцыі Гуйчжоў на паўднёвым захадзе Кітая выявілі яйка ў адным пахаванні узростам больш за 2000 гадоў. Аднак шкарлупіна трэснула пры дакрананні да яе шчотачкай для ачысткі.

Гісторыкі да гэтага часу абмяркоўваюць культурную канатацыю змшчэння яек у грабніцы. Паводле адной з версій, гэта сімвалізуе бесперапыннасць жыцця дзякуючы шматлікім нашчадкам, а іншыя мяркуюць, што ўладальнікі магільняў, можа быць, проста любілі есці яйкі пры жыцці.

Па словах Тан Юньмэй, нядаўна выяўлены посуд з яйкамі ўжо запячатаны для правядзення далейшых лабараторных аналізаў з выкарыстаннем інфраструктурных прамянёў, каб пацвердзіць іх колькасць і стан без нанясення шкоды знаходцы.