Вы тут

Таццяне Падаляк прысуджана навуковая ступень доктара філалагічных навук


Напярэдадні Новага года прыйшла прыемная навіна з Прэзідыума Вышэйшай атэстацыйнай камісіі Беларусі. Былой супрацоўніцы «Звязды», а цяпер дацэнту кафедры медыялогіі факультэта журналістыкі Белдзяржуніверсіта Таццяне Падаляк, прысуджана навуковая ступень доктара філалагічных навук.


Фота: journ.bsu.by

Таццяна Уладзіміраўна абараніла дысертацыю на тэму «Аксіялогія (прырода каштоўнасцяў) сучаснай беларускай журналістыкі». Навуковы кансультант — акадэмік Нацыянальнай акадэміі навук Беларусі, доктар філалагічных навук, прафесар Уладзімір Гніламёдаў.

Выпускніца журфака БДУ Таццяна Падаляк прапрацавала ў рэдакцыі дваццаць гадоў на розных пасадах і прайшла шлях ад карэспандэнта да намесніка галоўнага рэдактара. Сярод яе творчых журналісцкіх дасягненняў — спецыяльная прэмія Прэзідэнта Рэспублікі Беларусь дзеячам культуры і мастацтва. Пэўны час Таццяна Падаляк узначальвала прэс-цэнтр Дома прэсы. Так што журналістыку яна ведае з розных бакоў.

Калектыў «Звязды» шчыра віншуе Таццяну Уладзіміраўну з прызнаннем яе вялікіх заслуг у даследаванні сучаснай журналістыкі. Мы, яе калегі, зычым Таццяне Падаляк новых вышынь у вывучэнні складаных, часам супярэчлівых працэсаў, якія сёння адбываюцца ў сферы медыя, а таксама здабыткаў у педагагічнай дзейнасці і ў падрыхтоўцы кваліфікаваных кадраў для беларускіх і замежных сродкаў масавай інфармацыі.

Загаловак у газеце: Журналіст, навуковец, педагог

Выбар рэдакцыі

Экалогія

Які інтарэс ў Беларусі ля Паўднёвага полюса

Які інтарэс ў Беларусі ля Паўднёвага полюса

Антарктыка, далёкая і блізкая.

Грамадства

Да купальнага сезона падрыхтуюць 459 пляжаў

Да купальнага сезона падрыхтуюць 459 пляжаў

Існуюць строгія патрабаванні да месцаў для купання.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.