Вы тут

Прайшла рэспубліканская дабрачынная акцыя «Калядная ёлка — нашы дзеці»


Мітрапаліт Мінскі і Заслаўскі Павел, Патрыяршы Экзарх усяе Беларусі, павіншаваў дзяцей на Рэспубліканскай дабрачыннай акцыі «Калядная ёлка — нашы дзеці»

Мерапрыемства, арганізаванае Дэпартаментам па ліквідацыі наступстваў катастрофы на Чарнобыльскай АЭС Міністэрства па надзвычайных сітуацыях, Епархіяльным упраўленнем Беларускай праваслаўнай царквы, Беларускім фондам міру пры падтрымцы Міністэрства адукацыі, адбылося ўчора ў Свята-Духавым кафедральным саборы Мінска.


Фота БЕЛТА

На калядную ёлку запрасілі больш за 1500 дзяцей і падлеткаў з раёнаў Беларусі і Расіі, якія пацярпелі ад аварыі на Чарнобыльскай АЭС, а таксама маленькіх гасцей рэабілітацыйна-аздараўленчых цэнтраў. На праект прыехалі дэлегацыі з 25 раёнаў Беларусі і двух раёнаў Браншчыны.

Як перадае БелТА, мітрапаліт Павел павіншаваў дзяцей са святам, здзейсніў малітву за дзяцей Беларусі, блаславіў удзельнікаў сустрэчы. Госці ў знак падзякі падрыхтавалі яму творчыя віншаванні і сувеніры, вырабленыя сваімі рукамі, у тым ліку святочны калядны пірог з 26 свечкамі — столькі гадоў існуе праграма.

«Мы рады таму, што дзеці з раёнаў, пацярпелых ад аварыі на Чарнобыльскай АЭС, а таксама таленавітыя дзеці маюць магчымасць прыехаць у сталіцу, сустрэцца з мітрапалітам, — адзначыў начальнік Дэпартамента па ліквідацыі наступстваў катастрофы на Чарнобыльскай АЭС Міністэрства па надзвычайных сітуацыях Сяргей Шпарло. — Гэтая акцыя стала традыцыйнай, яна будзе праводзіцца і далей».

Удзельнікамі дабрачыннай акцыі з 1994 года сталі амаль 50 тысяч беларускіх хлопчыкаў і дзяўчынак, а таксама дзеці з Расіі і Украіны. Сродкі на свята выдаткоўваюцца ў адпаведнасці з Дзяржаўнай праграмай па пераадоленні наступстваў катастрофы на Чарнобыльскай АЭС на 2011—2015 гады і на перыяд да 2020 года.

Загаловак у газеце: Малітва за дзяцей Беларусі

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.