Вы тут

У Мінску падвялі вынікі выдавецкай і паліграфічнай дзейнасці за 2019 год


У Мінску падвялі вынікі выдавецкай і паліграфічнай дзейнасці за 2019-ы і агучылі найбліжэйшыя планы. 76 найменняў кніг агульным тыражом у 85 тысяч асобнікаў выпусціла летась выдавецтва «Мастацкая літаратура», 72 найменні кніг тыражом больш чым у 215 тысяч асобнікаў убачылі свет у «Беларускай энцыклапедыі імя Петруся Броўкі», 65 назваў кніг агульным накладам звыш 108 тысяч асобнікаў мае ў актыве выдавецтва «Беларусь», 95 найменняў кніг і аўдыякніг сукупным тыражом амаль у 546 тысяч асобнікаў выпусціла выдавецтва «Вышэйшая школа».


Фота: wallhere.com

Кніжнікі адзначаюць традыцыйна высокую цікавасць чытачоў да беларускай класікі. Напрыклад, у серыі «Напісанае застаецца», заснаванай летась выдавецтвам «Мастацкая літаратура», выйшлі дзве кнігі — зборнік аповесцяў Васіля Быкава і трылогія Якуба Коласа «На ростанях», і на сёння іх ужо амаль няма ў крамах. Запатрабаваны і максімальна поўны збор твораў Уладзіміра Караткевіча, куды ўпершыню асобнай кнігай уключаны яго малюнкі, шаржы і аўтапартрэты, творы, якія не друкаваліся пры жыцці, а таксама два тамы перапіскі, у якой мноства цікавых гісторый, дагэтуль наогул не вядомых шырокай публіцы. Апошнія тамы збору выйдуць якраз сёлета, да 90-годдзя пісьменніка. Таксама выдавецтва, як расказвае яго кіраўнік Алесь Бадак, працягне выпускаць 10-томны поўны збор твораў Янкі Брыля, «Дзіцячы атлас Беларусі», які стаў летась адной з найбольш папулярных беларускіх кніг і вырас у цэлую серыю, серыю «100 пытанняў пра Беларусь» для юных эрудытаў і г. д.

Сярод знакавых праектаў «Беларускай энцыклапедыі імя Петруся Броўкі» — энцыклапедыя, прысвечаная 1000-годдзю Брэста. Яе першы тыраж, гаворыць дырэктар выдавецтва Вольга Ваніна, разляцеўся літаральна за некалькі дзён, таму сёлета ўбачыць свет дапоўненае і дапрацаванае перавыданне. Убачыць і пагартаць яго, як і багата ілюстраваныя «Энцыклапедыю народнага майстра», «Беларускую дзіцячую энцыклапедыю» і дзясяткі іншых свежых кніжак выдавецтва, дарэчы, можна будзе на Мінскай міжнароднай кніжнай выстаўцы-кірмашы, што пройдзе 5—9 лютага.

Да гэтага маштабнага форуму рыхтуюць прэзентацыі навінак і іншыя айчынныя кніжнікі. Напрыклад, анансуе дырэктар выдавецтва «Вышэйшая школа» Аляксандр Нячай, на выстаўцы можна будзе паслухаць аўдыякнігі паводле Караткевіча. А яшчэ — убачыць новенькія школьныя падручнікі для старшых класаў — з тэхналогіяй дапоўненай рэальнасці і электроннымі дадаткамі для паглыбленага ўзроўню вывучэння прадметаў, першыя кнігі серыі «Тусоўка.by» для падлеткаў і «Шафа» для зусім юных чытачоў (гэтыя серыі прадставіць «Народная асвета»), пазнаёміцца з вучэбнай і мастацкай літаратурай, надрукаванай шрыфтам Брайля — яе беларусы выпускаюць нават больш, чым у суседняй Расіі...

«Кнігавыданне ў нас развіваецца на высокім узроўні, і пераканацца ў гэтым можа кожны наведвальнік Мінскай міжнароднай кніжнай выстаўкі-кірмашу», — запэўнівае кансультант упраўлення выдавецкай і паліграфічнай дзейнасці Міністэрства інфармацыі Беларусі Людміла Быкава. Нагадаем, у межах выстаўкі, цэнтральны стэнд якой сёлета зоймуць прадстаўнікі ЗША, адбудзецца таксама міжнародны сімпозіум «Пісьменнік і час», на які запрошаны літаратары з 29 краін свету.

Вікторыя ЦЕЛЯШУК

Загаловак у газеце: Класіка заўжды ў цане

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.