Вы тут

Сёлета пабудуюць да чатырох мільёнаў квадратных метраў жылля


З іх каля 20 дзевяціпавярховых дамоў — з электраацяпленнем.

Ужо некалькі гадоў запар у планах па будаўніцтве жылля фігуруе адна лічба — 4 мільёны «квадратаў», але ёсць і змены. Гэта павелічэнне яго агульнай плошчы, якое ўзводзіцца для шматдзетных сем'яў, актывізацыя работ у гарадах-спадарожніках і будаўніцтва дамоў з электрычным ацяпленнем і падагрэвам вады.


Днямі ўрад зацвердзіў аб'ёмы будаўніцтва жылля ў нашай краіне ў 2020—2021 гадах. Усяго сёлета для тых, хто будуецца з дзяржпадтрымкай, прадугледжана будаўніцтва 984,13 тысячы квадратных метраў жылля. Агульны план на 2020 год для Мінскай вобласці — 1,12 мільёна «квадратаў», Брэсцкай — 650 тысяч, Мінска — 630 тысяч, Гомельскай вобласці — 485 тысяч, Гродзенскай вобласці — 415 тысяч, Магілёўскай — 365 тысяч, Віцебскай — 335 тысяч квадратных метраў.

Відавочна, галоўнай навіной сёлета стануць упершыню прапісаныя планы па ўводзе дамоў з электрычным ацяпленнем і падагрэвам вады. Такога жылля павінны пабудаваць 135 тысяч квадратных метраў. Таму ў кожнай вобласці і Мінску трэба забяспечыць будаўніцтва шматкватэрных дамоў, дзе электраэнергія выкарыстоўваецца для мэт ацяплення, гарачага водазабеспячэння і прыгатавання ежы. Калі выказаць здагадку, што «электрадамы» будуць выкананы ў стандартным дзевяціпавярховым варыянце, то ўзвесці трэба каля 20 такіх аб'ектаў.

Арэнднага жылля ў краіне пабудуюць 135 тысяч «квадратаў», пры гэтым больш за ўсё ў Мінскай вобласці — 30,5 тысячы метраў — і Мінску — 22,3 тысячы.

У гарадах-спадарожніках плануецца ўзвесці жыллё амаль для тысячы чалавек. Недзе палова з іх атрымае кватэры ў Смалявічах. Па 100 чалавек палепшаць жыллёвыя ўмовы ў Жабінцы і Фаніпалі, крыху менш за сотню — у Лагойску, 80 — у Дзяржынску, 60 — у Скідзелі, 58 — у Рудзенску і 10 — у Заслаўі.

Сяргей КУРКАЧ

Прэв'ю: oskemen.info

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.