Мінская міжнародная кніжная выстава-кірмаш пройдзе 5-9 лютага ў комплексе па праспекце Пераможцаў, 14, паведамілі БЕЛТА ў Міністэрстве інфармацыі.
Кніжная выстава-кірмаш у Мінску - адна з самых буйных на постсавецкай прасторы, яна адкрывае міжнародны каляндар кніжных форумаў і з'яўляецца свайго роду справаздачай аб рабоце кнігавыдаўцоў Беларусі за мінулы год. Гэты знакавы форум мае свае адметныя асаблівасці ў культурным і ідэалагічным плане.
"Гістарычна склалася так, што Беларусь з'яўляецца гасціннай краінай, дзе можна пазнаёміцца cf звычаямі многіх народаў. У нас дружна жывуць прадстаўнікі многіх нацыянальнасцяў, іх культурнаz разнастайнасць служыць узаемнаму ўзбагачэнню. Наша краіна стала прыкладам міралюбнасці, талерантнасці, міжнацыянальнfuf братэрства. Зыходзячы з гэтых пасылаў, фарміруецца і праграма Мінскай міжнароднай кніжнай выставы-кірмашу", - распавялі ў міністэрстве.
Мерапрыемствы пройдуць не толькі на пляцоўках выставачнага комплексу, але і ў кнігарнях, бібліятэках, музеях. Адбудуцца прэзентацыі, аўтограф-сесіі, сустрэчы з аўтарамі, майстар-класы і многае іншае.
Арганізатары - Міністэрства інфармацыі, Мінскі гарадскі выканаўчы камітэт, Міністэрства замежных спраў, Міністэрства адукацыі, Міністэрства культуры, Саюз пісьменнікаў Беларусі, ААТ "Белкніга", ПК ТАА "Макбел".
Прэв'ю: haveaniceread.com
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
