Вы тут

Уладзімір Андрэйчанка наведаў Мемарыяльны комплекс гісторыі Халакоста «Яд Вашэм»


Старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка  наведаў Мемарыяльны комплекс гісторыі Халакоста «Яд Вашэм» у рамках візіту ў Дзяржаву Ізраіль.


Ён перадаў у музей Мемарыялу копіі дакументальных матэрыялаў аб дэпутатах Вярхоўнага Савета Беларускай ССР першага склікання Перачынскім Барысе Ханонавічы і Ласко Фаме Іосіфавічы, якія змагаліся і загінулі на франтах Вялікай Айчыннай вайны, а таксама правёў гутарку з дырэктарам Архіва Мемарыялу Хаімам Гертнерам.

Ён паведаміў, што за праяўлены гераізм каля 700 беларусаў, якія ратавалі яўрэяў у гады фашысцкай акупацыі, былі ўдастоены звання «Праведнік народаў свету».

«Вы робіце вельмі патрэбную не толькі для Ізраіля і Беларусі, але і для ўсяго свету працу», — адзначыў старшыня Палаты прадстаўнікоў, падкрэсліўшы важнасць умацавання супрацоўніцтва ў галіне захавання памяці аб тых трагічных старонках гісторыі.

Уладзімір Андрэйчанка паведаміў пра гатоўнасць Нацыянальнага архіва Рэспублікі Беларусь актыўна працаваць у гэтым накірунку. Акрамя таго, ён праінфармаваў дырэктара Архіва Мемарыялу пра тое, што Глыбоцкі і Ушацкі раёны Віцебскай вобласці зацікаўлены ў рэалізацыі шэрагу сумесных з «Яд Вашэм» праектаў. Яны плануюць правядзенне даследаванняў, стварэнне музейных экспазіцый, правядзенне выставачных мерапрыемстваў, тэматычных семінараў і канферэнцый, арганізацыю адукацыйных паездак школьнікаў па месцах памяці ахвяр Халакоста і баявой славы партызанскіх атрадаў, у складзе якіх у гады вайны на тэрыторыі названых раёнаў змагаліся яўрэі.

Андрэйчанка падкрэсліў важнасць развіцця ўзаемадзеяння па захаванню гістарычнай памяці на рэгіянальным узроўні, Старшыня Палаты прадстаўнікоў запрасіў кіраўніцтва «Яд Вашэм» прыняць удзел у мерапрыемствах, прысвечаных памяці ахвяр гета, знішчанага фашыстамі ў 1943 годзе, якія пройдуць у жніўні гэтага года ў горадзе Глыбокае.

Пасля завяршэння сустрэчы старшыня Палаты прадстаўнікоў пакінуў запіс у Кнізе ганаровых гасцей Мемарыяльнага комплексу «Яд Вашэм».

«У Беларусі, як і ў Ізраілі, памятаюць пра яўрэяў, якія загінулі ў страшныя гады Халакосту і Другой сусветнай вайны. Хай нашы сумесныя намаганні па захаванні памяці аб гэтых трагедыях стануць гарантам таго, што гэтыя жахлівыя злачынствы больш ніколі не паўторацца», — гаворыцца ў запісе.


Фота: Вести. Израиль по-русски.

Таксама, у рамках візіту ў Дзяржаву Ізраіль, Уладзімір Андрэйчанка, прыняў удзел ва ўрачыстым прыёме ад імя кіраўніка Дзяржавы Ізраіля Рэўвена Рыўліна ў гонар прэзідэнтаў і прэм'ер-міністраў замежных дзяржаў, а таксама кіраўнікоў замежных арганізацый, якія прыехалі на Сусветны форум памяці ахвяр Халакосту.

Адбылася кароткая размова Уладзіміра Андрэйчанкі з Рэўвенам Рыўліным. Старшыня Палаты прадстаўнікоў перадаў яму прывітанне ад Прэзідэнта Беларусі Аляксандра Лукашэнкі.

У сваю чаргу Прэзідэнт Ізраіля прасіў перадаць найлепшыя пажаданні Аляксандру Лукашэнку і ўдзячнасць за ўдзел нашай краіны ў мерапрыемствах, прысвечаных Міжнароднаму дню памяці ахвяр Халакосту і 75-й гадавіне вызвалення Асвенцыма. Ён дадаў, што высока цэніць гэты факт.

Выбар рэдакцыі

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік