Вы тут

Крэатон для старшакласнікаў адбудзецца 1 лютага ў Магілёве


Яго тэмай стане інклюзія. Падлеткам прапануюць пагутарыць пра камфортнасць гарадской прасторы для людзей з асаблівымі патрэбамі і магчымасці іх удзелу ў грамадскім жыцці.


Спачатку школьнікі паглядзяць некалькі відэаролікаў выступленняў сусветна вядомых спікераў. Убачанае патлумачыць эксперт, які сутыкаецца з узнятымі пытаннямі ў сваёй працы. Ён жа паставіць перад удзельнікамі канкрэтную задачу. Затым яны падзеляцца на каманды,  калектыўна абмяркуюць, якія ідэі можна было б прапанаваць для дасягнення пастаўленай мэты, і прэзентуюць свае задумы перад аўдыторыяй.

Па выніках абмеркавання журы абярэ лепшыя выступленні, ідэі і ўзнагародзіць іх аўтараў.

Да ўдзелу ў крэатоне  запрашаюцца вучні 9-х, 10-х і 11-х класаў з усёй краіны, якім цікава патрэніравацца генерыраваць ідэі,  прадстаўляць іх на публіцы, а таксама атрымаць парады і каментары ад экспертаў. Удзел у крэатоне – бясплатны, але  па папярэдняй рэгістрацыі.

Крэатон праводзіцца ў рамках сацыяльна-адукацыйнага праекта “Першыя” – рэспубліканскага конкурсу ідэй для старшакласнікаў краіны, які рэалізуецца кампаніяй А1 пры падтрымцы арганізатараў канферэнцый TEDxMinsk. Збор заявак яшчэ працягваецца на сайце.

Месца правядзення крэатона -- канферэнц-зала бізнес-цэнтра “Атрыум” (вул. Першамайская, 57) . Час правядзення з 11:00 да 15:00.

Надзея НІКАЛАЕВА

Прэв'ю: mdou-74.ucoz.ru

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.

Грамадства

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Вайна пакінула яму жыццё, але забрала блізкіх. Завіталі да клічаўскага ветэрана вайны Міхаіла Фельдмана

Нягледзячы на свае 96, Міхаіл Фельдман выглядае на зайздрасць бадзёрым і маладжавым. 

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.