Вы тут

Да нас на выхадныя прыйдуць франты з Балтыйскага мора


Калі ўчора яшчэ на большай частцы тэрыторыі нашай краіны з'явілася снежнае покрыва вышынёй да двух сантыметраў, то сёння яно знікне амаль канчаткова. Бо ў пятніцу амаль усюды будуць ісці кароткачасовыя ападкі ў выглядзе мокрага снегу і дажджу. Плюс да ўсяго — тэмпература ўдзень ад нуля да 6 градусаў цяпла. Атмасферны ціск будзе падаць.


У найбліжэйшыя дні ўмовы надвор'я на тэрыторыі краіны будуць вызначаць атмасферныя франты і цёплыя паветраныя масы атлантычнага паходжання. Чакаецца ветранае з ападкамі і павышаным тэмпературным фонам надвор'е, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

А вось заўтра ўначы і раніцай на большай частцы тэрыторыі краіны, а ўдзень толькі месцамі пройдуць кароткачасовыя ападкі ў выглядзе мокрага снегу і дажджу. Дарэчы, усё гэта будзе суправаджацца моцным парывістым ветрам. Уначы на асобных участках дарог чакаецца галалёдзіца. Тэмпература паветра ў начныя гадзіны складзе ад мінус 3 да 4 цяпла, удзень — плюс 1—6 градусаў. У нядзелю будзе таксама вільготна. У асобных раёнах (у асноўным на паўночным усходзе краіны) пройдуць невялікія кароткачасовыя ападкі ў выглядзе мокрага снегу і дажджу. Уначы і раніцай месцамі чакаюцца слабыя туман і галалёд, на дарогах галалёдзіца. Тэмпература паветра ўначы складзе ад мінус 3 градусаў да 2 цяпла. Тэмпература паветра ўдзень чакаецца ад нуля да плюс 5 градусаў.

Паводле папярэдніх прагнозаў айчынных сіноптыкаў, у панядзелак уначы ў асобных раёнах не абыдзецца без невялікіх ападкаў, а ўдзень пад уплывам франтальных падзелаў на большай частцы тэрыторыі Беларусі пройдзе невялікі кароткачасовы дождж, месцамі з мокрым снегам. Уначы і раніцай прагназуюцца слабыя туман і галалёд. Тэмпература паветра ўначы складзе ад мінус 4 градусаў да 2 градусаў вышэй за нуль, удзень будзе ад нуля да 5 цяпла.

Сяргей КУРКАЧ

Загаловак у газеце: Вышэй за норму, яшчэ і ветрана...

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!