Вы тут

Жыхары Гродна падраблялі рэцэпты і па іх атрымлівалі моцнадзейныя прэпараты


Супрацоўнікі наркакантролю Гродзеншчыны раскрылі злачынную схему па вырабе падробленых рецептурных бланкаў. Пад падазрэннем мясцовыя жыхары — 49-гадовая жанчына і яе 43-гадовы знаёмы, якія па фіктыўных фармулярах атрымлівалі ў аптэках моцнадзейныя прэпараты.


Фота: DWilliams / Pixabay

Паводле інфармацыі аддзела па наркакантролі і супрацьдзеянні гандлю людзьмі Ленінскага РАУС Гродна, незаконную дзейнасць грамадзяне разгарнулі вясной мінулага года. На здымнай кватэры жанчына знайшла ануляваную пячатку ўрача, а пазней — і медыцынскі рэцэпт. У ім з дапамогай карэктара замазала ўсе запісы і зрабіла яго копію на прынтары. У чыстых экземплярах бланка жанчына ўласнаручна “прызначала” сабе канкрэтныя лекі і “зацвярджала” рэцэпт ліпавай пячаткай.

У аптэцы пара купляла такія таблеткі, як запіклон, дымэдрол або самнол, якія прызначаліся для ўжывання разам з наркотыкамі і ўзмацнялі эфект іх дзеяння. Акрамя гэтага, частка прэпаратаў прадавалася па завышаных цэнах нарказалежным людзям.

Усяго ў аптэках горада аператыўнікі выявілі 16 падробленых рэцэптаў. Дома ў жанчыны былі выяўленыя аналагічныя бланкі, паведамляе УУС Гродзенскага аблвыканкама.

Вядома, што абодва падазраваных не працаўладкаваны, жывуць за кошт выпадковых заробкаў і раней прыцягваліся да крымінальнай адказнасці за незаконны абарот наркотыкаў.

Дзеянням жанчыны па вырабу падробленых дакументаў у мэтах іх выкарыстання следчымі дадзена прававая ацэнка, у дачыненні да мужчыны праверка працягваецца.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».