Амерыканская спявачка Білі Айліш перамагла ва ўсіх асноўных намінацыях "Грэмі"

Амерыканская спявачка Білі Айліш стала галоўнай пераможцай 62-ой цырымоніі ўручэння прэміі "Грэмі", піша meduza.io.

18-гадовая выканаўца заваявала ўзнагароды ва ўсіх чатырох асноўных намінацыях: "Альбом года" ("When We All Fall Asleep, Where Do We Go?"), "Запіс года" і "Песня года" ("Bad Guy") і "Лепшы новы артыст".

Таксама яе дэбютная пласцінка была прызнана "Лепшым поп-альбомам" і атрымала прыз у намінацыі "Лепшы прадакшн". Брат спявачкі Фінеас за працу над альбомам атрымаў узнагароду "Прадзюсер года".

Спявачка Лізо, якая атрымала больш за ўсіх намінацый на цяперашняй цырымоніі, удастоена трох узнагарод: за песню "Truth Hurts" ("Лепшае сольнае поп-выкананне"), песню "Jerome" ("Лепшае традыцыйнае R&B-выкананне") і альбом "Cuz I Love You" ("Лепшы сучасны urban-альбом").

Рэпер Lil Nas X заваяваў дзве ўзнагароды за песню "Old Town Road" - "Лепшае поп-выкананне ў дуэце" і "Лепшае музычнае відэа".

Лепшым рэп-альбомам быў прызнаны "Igor" Tyler, The Creator, лепшы рок-альбом - "Social Cues" Cage The Elephant, а лепшы альтэрнатыўны альбом - "Father Of The Bride" The Vampire Weekend.

The Chemical Brothers удастоены двух "Грэмі" за пласцінку "No Geography" ("Лепшы танцавальны запіс", "Лепшы электронны альбом").

Ісландка Хільдур Гуднадоудотыр атрымала ўзнагароду за лепшы саўндтрэк (серыял "Чарнобыль").

Лепшым музычным фільмам быў прызнаны "Homecoming" Беёнс.

У намінацыі "Лепшы альбом размоўнага жанру" перамагла былая першая лэдзі ЗША Мішэль Абама з аўдыёверсіяй сваіх мемуараў "Becoming".