На тэрыторыі Брэсцкай крэпасці дзеці знайшлі нямецкі сігнальны пісталет, паведаміла БЕЛТА афіцыйны прадстаўнік УУС аблвыканкама Наталля Сахарчук.
25 студзеня прыкладна ў 18.30 у дзяжурную часць Ленінскага РАУС звярнулася жыхарка абласнога цэнтра. Яна распавяла, што яе 12-гадовы сын прынёс у дом прадмет, падобны на пісталет, які знайшоў з таварышамі ў Брэсцкай крэпасці. Супрацоўнікі міліцыі неадкладна выехалі на месца. Агледзеўшы знаходку, праваахоўнікі папрасілі брастаўчанку напісаць заяву аб добраахвотнай здачы зброі.
Хлопчык сказаў, што гуляў з сябрамі ў крэпасці на валах Кобрынскага ўмацавання. На насыпы хлопцы натыкнуліся на прадмет. Раскапаўшы яго, яны выявілі, што гэта стары пісталет.
Папярэдне, знаходкай аказаўся нямецкі сігнальны пісталет Walther Leuchtpistole 1934 года выпуску. Зброя канфіскавана, праводзіцца праверка.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.