Вы тут

Зорны паход завітаў у Асіповічы


Беларускі дзяржаўны педагагічны ўніверсітэт імя М. Танка праводзіць гэты паход ужо 55-ы раз. Зорным ён называецца таму, што на карце яго схема нагадвае зорку.


Сёлета ў паходзе бяруць удзел таксама студэнты з Расіі (прадстаўнікі Маскоўскага і Новасібірскага дзяржаўных педуніверсітэтаў і Расійскага дзяржаўнага прафесійна-педагагічнага ўніверсітэта), Казахстана (Еўразійскі нацыянальны ўніверсітэт імя Л.Гумілёва), Узбекістана (Ташкенцкі педуніверсітэт імя Нізамі), Туркменістана і КНР. З 28 да 31 студзеня больш чым 270 студэнтаў і выкладчыкаў наведаюць дзевяць раёнаў на тэрыторыі Мінскай, Брэсцкай, Віцебскай, Гродзенскай і Магілёўскай абласцей. Адзін з атрадаў па традыцыі пабывае ў Асіповіцкім раёне.

— Для нас вельмі ганарова прымаць такіх гасцей, — адзначыла намеснік старшыні Асіповіцкага райвыканкама Ганна Землянухіна. — Па-першае, студэнты на месцы знаёмяцца з гісторыяй Беларусі, наведваюць памятныя мясціны. Па-другое, яны маюць зносіны непасрэдна са школьнікамі, паказваюць ім сваю прафарыентацыйную праграму. Госці расказваюць, якія патрабаванні існуюць да тых, хто вучыцца ва ўніверсітэце, наколькі гэта прэстыжна. Школьнікі, у сваю чаргу, паказваюць свае культурныя праграмы. Наогул Зорны паход — вельмі карысная справа як для студэнтаў, так і для нашых школьнікаў, якія ў перспектыве могуць стаць педагогамі.

Сустрэча пачнецца з мітынгу на цэнтральнай алеі горада, а потым гасцей запросяць у гісторыка-краязнаўчы музей. На працягу чатырох дзён моладзь і іх выкладчыкі будуць сустракацца са школьнікамі, воінамі-інтэрнацыяналістамі, ветэранамі Вялікай Айчыннай, удзельнічаць у мітынгах, прысвечаных памяці тых, хто загінуў падчас вайны, выступаць з канцэртамі, арганізуюць майстар-класы і спартыўныя спаборніцтвы.

Нэлі ЗІГУЛЯ

Прэв'ю: krokapp.by

Выбар рэдакцыі

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй.