Вы тут

Вядомы брытанскі эколаг выступіць у Мінску з лекцыяй пра змены клімату


Людзі горача спрачаюцца аб тым, змяняецца клімат у прынцыпе ці не. Хтосьці радуецца кліматычным зменам - маўляў, будзе цёпла, не будзем мерзнуць, а хтосьці баіцца, што наступствамі будуць катаклізмы і эпідэміі. Грамадскае аб’яднанне “Ахова птушак Бацькаўшчыны” вырашыла вынесці пытанне ў афлайн і запрасіла дасведчанага эксперта з Вялікабрытаніі расказаць шырокай аўдыторыі простымі словамі пра тое, што ведаюць на гэты конт сучасныя навукоўцы.


Доктар Роб Філд – старшы навуковы супрацоўнік у Каралеўскім таварыстве абароны птушак, да якога ён далучыўся ў 2000 годзе. Атыўна вывучае экасістэмныя магчымасці змякчэння наступстваў кліматычных зменаў праз паляпшэнне кіравання і захаванне дзікай прыроды, галоўным чынам у сельскагаспадарчых экасістэмах і тарфяніках Вялікабрытаніі, астатняй Еўропы і Афрыкі.

У прыватнасці, доктар Філд супрацоўнічае з беларускімі калегамі па пытанні змяншэння негатыўных наступстваў кліматычных зменаў у рэгіёне Палесся, а таксама вывучае, як аднаўленне балот уплывае на папуляцыі птушак у Беларусі.

Навукова-папулярная лекцыя “Разборкі з кліматам. Будзе горача?” адбудзецца 7 лютага ў мінскім гатэлі DoubleTree by Hilton (пр-т Пераможцаў, 9) з 19.00 да 21.00. Лекцыя будзе ісці з сінхронным перакладам на рускую мову. Уваход на яе бясплатны па папярэдняй рэгістрацыі.

Што будзе на лекцыі?

  • Як утварыўся “парніковы эфект” і што мы ведаем пра хімію атмасферы?
  • Што такое кругазварот вугляроду і як на яго ўплывае выкапневае паліва (нафта, вугаль, газ)?
  • Як змены ў гэтым кругазвароце прыводзяць да пацяплення атмасферы?
  • Як гэта ўсё ўплывае на людзей і дзікую прыроду?
  • Ці магчыма і варта з гэтым змагацца?

Пра ўсё гэта раскажа Роб Філд, а напрыканцы ён адкажа на пытанні з залы.

Лекцыя адбудзецца пры падтрымцы Пасольства Вялікабрытаніі ў Беларусі.

Надзея НІКАЛАЕВА

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.