Нацыянальная акадэмія навук Беларусі і ЗАТ "Беларуская нацыянальная біятэхналагічная карпарацыя" падпісалі Пагадненне аб супрацоўніцтве. Подпісы пад дакументам паставілі Старшыня Прэзідыума НАН Уладзімір Гусакоў і дырэктар ЗАТ "Беларуская нацыянальная біятэхналагічная карпарацыя" (БНБК) Данііл Урыцкі.
Згодна з дакументам, бакі дамовіліся ўзаемадзейнічаць па самаму шырокаму спектру напрамкаў. Сярод іх правядзенне сумесных навуковых даследаванняў, сумеснае выкарыстанне матэрыяльна-тэхнічнай базы (выпрабавальных лабараторый) арганізацый НАН Беларусі і БНБК, удзел у навукова-тэхнічных семінарах, канферэнцыях і выставах. Будзе таксама ажыццёўлены комплекс мерапрыемстваў, накіраваных на павышэнне якасці падрыхтоўкі і кваліфікацыі спецыялістаў БНБК на базе вядучых профільных арганізацый НАН Беларусі, аказанне арганізацыямі НАН кансультатыўнай дапамогі, а таксама дапамогі ў атрыманні патэнтаў на прадукцыю, якая вырабляецца БНБК.
— Падпісанне пагаднення адкрывае шырокія магчымасці для пашырэння супрацоўніцтва навуковых інстытутаў Акадэміі навук з адной з найбуйнейшых біятэхналагічных карпарацый, — падкрэсліў старшыня Прэзідыуму НАН Беларусі Уладзімір Гусакоў. — Гэта дае магчымасць навукоўцам больш актыўна ўкараняць вынікі сваёй дзейнасці ў практыку…
У сваю чаргу, дырэктар Беларускай нацыянальнай біятэхналагічнай карпарацыі Данііл Урыцкі адзначыў важнасць узмацнення навуковага суправаджэння дзейнасці кампаніі па асноўных напрамках дзейнасці.
Надзея НІКАЛАЕВА
Прэв'ю: amchs.ru
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.