Яна стартуе 1 лютага і будзе доўжыцца да 10 мая. Цяперашняя праграма ўнікальная, таму што цыркавыя нумары на працягу ўсяго прадстаўлення суправаджаюць сотні водных струменяў, фантаны і феерычныя вадаспады. Арганізатары адзначаюць, што для гэтага пад купалам цырка падрыхтавана 200 тон вады. Акрамя воднага шоу гледачы змогуць атрымаць асалоду ад выступлення клоўнаў з ЗША, беларускіх акрабатаў на батуце, дрэсіраваных мядзведзяў, сабак, малпачак і марскіх ільвоў, а таксама паветраных гімнастаў.
Галоўны рэжысёр Белдзяржцырка Ала Нікалаева-Аліева адзначае, што ўсе нумары праграмы абкатаныя, хоць могуць відазмяняцца па ходзе сезона, некаторыя з іх будуць дапрацаваны. Аднак тое, што ў прадстаўленні мноства водных спецэфектаў, дадае артыстам цяжкасцяў у выступленні. «Асабліва складана даводзіцца тым, хто працуе ў паветры, таму што рэквізіт становіцца слізкі, але ў той жа час гэта дадае відовішчнасці», - адзначае рэжысёр. Каб стварыць настолькі маштабнае шоу, патрабуецца праца каля дзвюх соцень чалавек тэхнічнага персаналу.
Напярэдадні прэм'еры новай праграмы ў Белдзяржцырку адбылося адразу некалькі прыемных падзей. Па-першае, там нарадзілася малпачка Ева. Па-другое, добрыя навіны прыйшлі з Монтэ-Карла, дзе праходзіў 44-ы Міжнародны фестываль цыркавога мастацтва. У ім бралі ўдзел 150 артыстаў з 18 краін свету. Прадстаўнік беларускага цырка Сяргей Несцераў заваяваў на фестывалі «Сярэбранага клоўна». У нумары Несцерава ўдзельнічаюць пяць белых тыграў, якія выконваюць унікальныя трукі. Беларускі артыст са сваімі падапечнымі двойчы прымушаў залу стоячы апладзіраваць свайму майстэрству.
Дар'я ЛАБАЖЭВІЧ
Фота Ганны ЗАНКАВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
