Вы тут

На Капыльшчыне агрэсіўны сабака ўкусіў пенсіянера


На Капыльшчыне агрэсіўны сабака ўкусіў пенсіянера і кідаўся на іншых людзей. Інспектару ДАІ давялося скарыстацца табельнай зброяй.


Па інфармацыі УУС Мінаблвыканкама, увечары ў дзяжурную часць Капыльскага РАУС ад 70-гадовага жыхара вёскі Стары Капыль паступіла паведамленне, што на тэрыторыі яго домаўладання знаходзіцца буйны сабака. Жывёла ўжо ўкусіла мужчыну за руку і ўяўляла пагрозу для яго сям'і. На думку пенсіянера, сабака быў шалёны.

На месца здарэння неадкладна накіраваліся ўчастковы інспектар міліцыі і экіпаж ДАІ. Яны разам з работнікам ЖКГ, які прыехаў на выклік, спрабавалі злавіць жывёлу і адвесці яе з двара. Супрацоўнік жыллёва-камунальнай гаспадаркі выпусціў у сабаку з пнеўматычнага пісталета чатыры дроцікі са снатворным рэчывам, аднак яно не аказала ніякага дзеяння на раз'юшаную жывёлу. Калі супрацоўнікі міліцыі разам з работнікам ЖКГ чарговы раз наблізіліся, сабака кінуўся на ўчастковага. Інспектар ДПС АДАІ вымушаны быў выкарыстаць табельную зброю і застрэліць яго.

Пацярпелы пенсіянер дастаўлены ў бальніцу, яму аказана неабходная медыцынская дапамога. Цела сабакі накіравана ў Капыльскую райветстанцыю для правядзення адпаведнай экспертызы.

Сяргей РАСОЛЬКА

Прэв'ю: i-sonnik.ru

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».